Minskija kramy i kaviarni, a taksama čyhunačny vakzał i aeraport abaviažuć zabiaśpiečyć dostup da Wi-Fi napiaredadni ČS-2014 pa chakiei
Kafe i kramy pavinny zabiaśpiečyć haściam ČS-2014 dostup da Wi-Fi i viartańnie hrošaj pa Tax Free. Pra heta išła razmova na pasiadžeńni padkamitetu pa pytańniach handlovaha zabieśpiačeńnia i arhanizacyi charčavańnia, jakoje adbyłosia ŭ ramkach padrychtoŭki da ČS- 2014.
Na pasiedžańni była razhledžana padrychtoŭka abjektaŭ handlu i hramadskaha charčavańnia, jakija znachodziacca na čyhunačnych vakzałach i ŭ Nacyjanalnym aeraporcie Minsk. Ministr handlu Valancin Čakanaŭ adznačyŭ, što čyhunačnyja vakzały i aeraport źjaŭlajucca tvaram krainy, tamu arhanizacyi absłuhoŭvańnia haściej i ŭdzielnikaŭ ČS- 2014 pa chakiei na hetych abjektach varta nadać asablivuju ŭvahu. Na jaho dumku, jašče zastajucca niekatoryja pytańni, jakija pavinny być apieratyŭna vyrašany, naprykład, mahčymaść bieznajaŭnaha raźliku. Akramia taho, ministr źviarnuŭ uvahu, što hości ČS-2014 pavinny mieć mahčymaść pahladzieć chakiejnyja matčy na vialikich ekranach u abjektach hramadskaha charčavańnia.
«Na pryłaŭkach kram taksama pavinien być pradstaŭleny šyroki asartymient tavaraŭ biełaruskaj vytvorčaści, u tym liku suvieniraŭ. Restarany i kafe pavinny zabiaśpiečyć vybar straŭ biełaruskaj nacyjanalnaj kuchni», - dadaŭ jon.