Biełaruś umacuje handlova-ekanamičnyja suviazi z Efiopijaj i Kambodžaj
Šerah pracoŭnych sustreč z pradstaŭnikami aficyjnych uładaŭ Efiopii i Kambodžy praviali biełaruskija pasły.
Pasoł Biełarusi ŭ Efiopii Dźmitryj Kuptiel sustreŭsia ź dziaržaŭnym ministram zamiežnych spraŭ Fiederatyŭnaj Demakratyčnaj Respubliki Efiopija Bierchane Hiebre Chrystasam, ź jakim abmierkavaŭ pytańni raźvićcia dvuchbakovych adnosin.
Ciaham hutarki była dasiahnuta damoŭlenaść ab «praciahu sumiesnych dziejańniaŭ dla ŭmacavańnia handlova-ekanamičnych suviaziaŭ, u pryvatnaści, u halinie stvareńnia i raźvićcia sielskahaspadarčaj, enierhietyčnaj, darožnaj i inšych infrastruktur, a taksama ŭ śfiery pramysłovaj kaapieracyi pamiž dźviuma krainami».
Efijopskamu boku było pieradadziena asabistaje pasłańnie biełaruskaha ministra zamiežnych spraŭ Uładzimira Makieja da kiraŭnika MZS Efiopii z zaprašeńniem naviedać Biełaruś.
A pasoł Biełarusi Valeryj Sadocha (Nadzvyčajny i Paŭnamocny Pasoł Respubliki Biełaruś u Sacyjalistyčnaj Respublicy Vjetnam) padčas pracoŭnaj pajezdki Ŭ Kambodžu 13-16 studzienia pravieŭ pieramovy z kiraŭnikami šerahu ministerstvaŭ hetaj krainy. U tym liku z Premjer-ministram krainy Chor Namchonham.
Byli dasiahnuty damoŭlenaści ab biełaruska-kambadžyjskaj supracy na Mižnarodnaj arenie, u humanitarnaj i handlova-ekanamičnaj śfierach.
Aproč taho, padčas znachodžańnia ŭ Kambodžy Sadocha pravieŭ sustrečy z kiraŭnictvam šerahu kambadžyjskich kampanij, padčas jakich byli razhledžany mahčymaści naroščvańnia ekspartu biełaruskich traktaroŭ, uhnajeńniaŭ, šynnaj, farmaceŭtyčnaj, charčovaj pradukcyi, hruzavoj i darožna-budaŭničaj techniki.
Pasoł Biełarusi taksama naviedaŭ zavod pa zborcy biełaruskich traktaroŭ, jaki budujecca kala horadu Pnampień.