Na Hrodzienščynie taksama zbudujuć kitajski industryjalny centr
Namieśnik staršyni Hrodzienskaha abłvykankamu Juryj Šulejka zapeŭniŭ, što pad kitajskija pradpryjemstvy vobłaść pradastavić nieabchodnuju ziamlu, a taksama ilhotnyja ŭmovy viadzieńnia haspadarčaj dziejnaści.
Dla raźmiaščeńnia industryjalnaha parku razhladajucca svabodnyja placoŭki ŭ Ščučynskim i Vaŭkavyskim rajonach, a taksama vytvorčyja placoŭki dziejučych hrodzienskich pradpryjemstvaŭ, jakija nie vykarystoŭvajucca (nazyvajecca AAT «Radyjochvala»).
18 studzienia kitajcy naviedajuć Vaŭkavyski rajon, dzie aznajomiacca z patencyjnaj placoŭkaj dla raźmiaščeńnia industryjalnaha parku, dy źjeździać na Lidčynu.
Ministr paviedamiŭ taksama, što kamiercyjnaje pradstaŭnictva pravincyi Hańsu z metaj raźvićcia ŭsiebakovych kantaktaŭ budzie stvorana ŭ Minsku, adnak jaho dziejnaść budzie nakiravana u tym liku i na raźvićcio ekanamičnaha partniorstva z Hrodzienskaj vobłaściu. Raniej abmiarkoŭvałasia mahčymaść adkryćcia pradstaŭnictva ŭ Hrodnie.
Delehacyja ŭrada Hańsu ŭžo druhi raz za niekalki miesiacaŭ naviedvaje Hrodzienskuju vobłaść. U jaje składzie nie tolki kiraŭnictva departamienta kamiercyi ŭrada pravincyi, ale i pradstaŭniki kankretnych vytvorčych i handlovych pradpryjemstvaŭ i karparacyj.
Padčas sustrečy havorka išła pra toje, kab naładzić pramyja dziełavyja i handlovyja suviazi. Z hetaj metaj siońnia ŭ Hrodnie adbyłasia kantaktna-kaapieracyjnaja birža. 18 Studzienia delehacyja pravincyi naviedaje Vaŭkavyski rajon, dzie aznajomicca z patencyjnaj placoŭkaj dla raźmiaščeńnia industryjalnaha parku na bazie AAT «Vaŭkavyski KSOM», a taksama Lidski rajon, dzie pabyvaje na pramysłovych i sielskahaspadarčych pradpryjemstvach.