Słužby taksi damovilisia padniać minimalny taryf na 10%, a praź miesiac jašče na 10% — fota pahadnieńnia
Dziesiać słužbaŭ taksi Minska zaklučyli pahadnieńnie, pavodle jakomu vyznačajecca minimalny taryf pieravozki pasažyraŭ.
Na siońnia jon składaje 4 000 rubloŭ za kiłamietr. Takija rascenki ŭ słužby «Ałmaz» (7788), a taksama «Taksi 252».
Z 25 studzienia minimalny taryf składzie 4400 rubloŭ, z 25 lutaha — 4900 rubloŭ. Pra pamier padaražańnia 25 sakavika słužby taksi vyrašyli damovicca paźniej.
Da pahadnieńnia dałučylisia asnoŭnyja słužby taksi, siarod ich 107, 135, 181, 7788 i inšyja.
Padaražańnie zakranie nie ŭsie taksi. Naprykład, słužby 107 i 135 na dadzieny momant užo vykarystoŭvajuć taryf 4900 rubloŭ za kiłamietr. Dla ich klijentaŭ situacyja ŭ bližejšyja dva miesiac nie źmienicca.