Janukovič zvolniŭ kiraŭnika svajoj administracyi — prychilnika jeŭraintehracyi
Prezident Ukrainy Viktar Janukovič zvolniŭ kiraŭnika svajoj administracyi Siarhieja Lovačkina, paviedamlajuć infarmahienctvy.
Ukaz ab zvalnieńni Lovačkina viečaram u piatnicu, 17 studzienia, byŭ apublikavany na sajcie prezidenta Ukrainy. Pryčyny vyzvaleńnia Siarhieja Lovačkina ad zajmanaj pasady va ŭkazie nie ŭdakładniajucca.
Siarhiej Lovačkin zajmaŭ pasadu kiraŭnika administracyi prezidenta Ukrainy z kanca lutaha 2010 hoda. Paśla taho, jak u noč na 30 listapada 2013 hoda bajcy śpiecpadraździaleńnia «Bierkut» užyli siłu pry sprobie razhonu łahiera prychilnikaŭ jeŭraintehracyi ŭ Kijevie, Lovačkin padaŭ prašeńnie ab adstaŭcy.
Adnak tady Viktar Janukovič adchiliŭ jaho prośbu, paabiacaŭšy pry hetym razhledzieć prašeńnie Lovačkina pra adstaŭku «paśla narmalizacyi situacyi ŭ krainie».
Lovačkin ličyŭsia prychilnikam jeŭrapiejskaha vybaru Ukrainy.