Stralanina ŭ amerykanskaj škole
U vyniku stralaniny ŭ amerykanskaj škole, jakuju ŭsčaŭ 14‑hadovy padletak, paciarpieli piać čałaviek. Sam strałok, pavodle źviestak papiaredniaha raśśledavańnia, zastreliŭsia jašče da taho, jak na miesca zdareńnia pryjechała palicyja.
U vyniku stralaniny ŭ amerykanskaj škole, jakuju ŭsčaŭ 14‑hadovy padletak, paciarpieli piać čałaviek. Sam strałok, pavodle źviestak papiaredniaha raśśledavańnia, zastreliŭsia jašče da taho, jak na miesca zdareńnia pryjechała palicyja, paviedamlaje brytanskaja karparacyja BBC. Raźnícu ŭ škole zafilmavali videakamery nazirańnia.
Incydent adbyŭsia 10 kastryčnika ŭ siaredniaj škole Kliŭlendu ŭ štacie Ahajo kala 13:15 pa miascovym časie (20:15 pa biełaruskim). Navučeniec Asa Kun usčaŭ stralaninu pa vučniach, a paśla zastreliŭsia sam. Pavodle słoŭ mera Kliŭlendu Frenka Džeksana, navučeniec paraniŭ čatyroch čałaviek, u tym liku dvaich školnikaŭ — 14‑ci j 17‑ci hadoŭ, a taksama dvaich vykładčykaŭ 42 i 57 hadoŭ. Vykładčyki atrymali bolš surjoznyja ranieńni — 42‑hadovy nastaŭnik paranieny ŭ hrudź, a 57‑hadovy — u śpinu. Ichni stan aceńvajecca jak stabilny.
Jašče adna navučenka atrymała traŭmu kalena, kali ŭciakała ad napadnika.
Palicyjanty ličać, što jon stralaŭ adrazu z dvuch pistaletaŭ. Śviedki kažuć, što bačyli, jak napadnik išoŭ pa školnych kalidorach ź pistaletam u kožnaj ruce. 15‑hadovy Roneł Džeksan skazaŭ ahienctvu AP, što ledź paśpieŭ źbiehčy:
«Jon u mianie celiŭsia. Ale ja svoječasova ŭciok».
Niekatoryja školniki j rabotniki škoły vybiehli z budynku paśla taho, jak pačuli stralaninu j huki syhnalizacyi. Inšyja sprabavali schavacca ŭ šafach i pad partami.
Śledčyja spadziajucca dakładna ŭstalavać abstaviny zdareńnia, bo ŭ budynku pracavali systemy videanazirańnia. Miarkujecca, što napadnik uvajšoŭ u škołu, raźmieščanuju ŭ centry horadu, u sieradu ranicaj.
Pavodle źviestak žurnalistaŭ, napadnik byŭ niezadavoleny tym, što jaho adchilili ad zaniatkaŭ za bojku, jakaja adbyłasia za dva dni da zdareńnia.
Adna z školnic raskazała miascovaj telekampanii, što jon naležyć da «hatyčnaj subkultury» i zvyčajna nasiŭ łancuhi j ciažkija čaraviki.
«Kali jaho adchilili, jon skazaŭ: «ja dla vas nieštačka pryhatavaŭ», — kaža školnica.
U škole, dzie była ŭsčataja stralanina, vučacca kala 250 čałaviek. Heta adnosna nievialikaja navučalnaja ŭstanova, aryjentavanaja na padrychtoŭku školnikaŭ u halinie biznesu i technalohij.
U čaćvier usie dziaržaŭnyja škoły Kliŭlendu začynienyja, a škoła, u jakoj adbyŭsia incydent, nia budzie pracavać prynamsi da paniadziełka.
Incydent u Kliŭlendzie adbyŭsia praz paŭhodu paśla samaj kryvavaj u historyi ZŠA stralaniny ŭ navučalnaj ustanovie. U krasaviku 23‑hadovy hramadzianin Paŭdniovaj Karei Čo Sen Chi zastreliŭ bolš za 30 čałaviek u Techničnym universytecie Virdžynii, a paśla zasiliŭsia.