Suśvietny bank adznačaje palapšeńnie biznes‑klimatu ŭ Biełarusi
Pradstaŭnik hrupy Suśvietnaha banku ŭ Respublicy Biełaruś na siońniašniaj prezentacyi daśledavańnia «Viadzieńnie biznesu‑2008» adznačyŭ stanoŭčyja tendencyi ŭ našaj krainie ŭ hetaj sfery.
Krejh Beł |
Za apošni hod Biełaruś uvajšła ŭ pieršuju dziesiatku krain u katehoryi «Pačatak biznesu», dzie najbolš aktyŭna pravodziacca reformy. Taksama za hety hod Biełaruś padniałasia na trynaccać radkoŭ uvierch u rejtynhu spryjalnaści dziełavoha klimatu. Ciapier Biełaruś zajmaje ŭ hetym rejtynhu 110‑aje miesca z 170.
Heta stała mahčyma dziakujučy praviedzienym reformam u halinie rehistracyj pradpryjemstvaŭ, a taksama abarona investaraŭ. Zatoje adznačajecca paharšeńnie sytuacyi ŭ mižnarodnym handli i vypłacie padatkaŭ.
Uvohule, rejtynh samych spryjalnych dla biznesu krain uznačalvaje Synhapur, za im iduć Novaja Zelandyja, ZŠA, Hankonh i Danija. Siarod lideraŭ rejtynhu taksama try postsavieckija krainy — Estonija (16‑aja), Hruzija (17‑aja) i Łatvija (21‑aja). Biełaruś zmahła apiaredzić tolki Tadžykistan, Ukrainu i Ŭzbekistan.