Ličba dnia: kožny biełarus letaś vypiŭ 48 butelek harełki
Pavodle padlikaŭ Biełstata, za 2013 hod pa ŭsioj krainy było pradadziena 9 053,3 tysiač dekalitraŭ (90,5 miljona litraŭ) absalutnaha ałkaholu (čystaha śpirtu).
Dola prodažaŭ harełki skaračajecca. Kali ŭ 2012 hodzie jaje dola ŭ absalutnym ałkaholi składała 49,9%, to letaś tolki 46,9%.
Naadvarot, vyrasła dola pładovych vinaŭ (z 21,8% da 22,4%) i piva (z 14,3% da 16,1%).
Pryviadziem uvieś spažyty śpirt da adnaho nazoŭnika – da harełki. Z 90,5 miljona litraŭ absalutnaha ałkaholu možna atrymać 226,3 miljona litraŭ harełki. Heta 452,6 miljona butelek.
Nasielnictva Biełarusi ŭklučna ź niemaŭlatami letaś składała 9 465 725 čałaviek.
Takim čynam, u siarednim na kožnaha žychara krainy prychodziłasia 48 butelek harełki na hod.