U Kijevie pad vartu ŭziatyja 29 asobaŭ
Dziaśnianski i Śviatošynski rajonnyja sudy Kijeva pryniali 24 studzienia rašeńnie ab uziaćci pad vartu 12 čałaviek.
Usie jany ŭziaty pad vartu ŭ vyniku «biesparadkaŭ na Hrušeŭskaha».
«Pa materyjałach śledstva, nazvanyja asoby niepasredna prymali ŭdzieł u masavych biesparadkach kala stadyjona «Dynama», jakija supravadžalisia hvałtam, padpałami, supracivam pradstaŭnikam ułady z prymianieńniem zbroi», - havorycca ŭ paviedamleńni.
Mužčyny padazrajucca ŭ ździajśnieńni kryminalnaha złačynstva, praduhledžanaha artykułam 294 Kryminalnaha kodeksa «Masavyja biesparadki» — ad 10 da 15 hadoŭ.
Raniej Abałonski sud Kijeva uziaŭ pad vartu 17 asobaŭ, pieravažna ŭdzielnikaŭ Aŭtamajdanu.