U Kyrhyzstana pakul niama hrošaj dla ŭstupleńnia ŭ Mytny sajuz
Kančatkovaje ŭstupleńnie Kyrhyzstana ŭ Mytny sajuz Biełarusi, Kazachstana i Rasii mahčymaje praz hod-paŭtara.
Pra heta, jak paviedamlajecca na sajcie Vykanaŭčaha kamiteta SND sa spasyłkaj na ahienctva Kabar, zajaviŭ 7 lutaha pieršy vice-premjer-ministr Džaamart Atarbajeŭ.
Jon paviedamiŭ, što sioleta ŭ sakaviku adbudziecca samit MS. «Chutka projdzie sustreča prezidentaŭ Kyrhyzstana i Rasii, buduć vieścisia pieramovy. Sa svajho boku my pastarajemsia, kab dakumient ab ustupleńni Kyrhyzstana ŭ Mytny sajuz byŭ padpisany ŭ sakaviku», — skazaŭ Atarbajeŭ.
Jak zaznačyŭ pieršy vice-premjer, dla poŭnaha ŭstupleńnia ŭ MS Kyrhyzstanu nieabchodna kala 400 miljonaŭ dołaraŭ dla dapracoŭki darožnaj karty, stvareńnia łabaratoryj i h.d.
Adnak, pavodle słoŭ Atarbajeva, hetaja suma źjaŭlajecca niepasilnaj dla biudžetu dziaržavy.