#hundreårsmenneske: Bjorndalen staŭ siamirazovym alimpijskim čempijonam
Narviežski bijatłanist Ule-Ejnar Bjorndalen vyjhraŭ sprynt na 10 km na Alimpijskich hulniach u Sočy z vynikam 24 chviliny 33,5 siekundy (adno štrafnoje koła).
Lee Jin-man / AP
Heta siomaje zołata 40-hadovaha narviežca na Zimovych alimpijskich hulniach (1998 - 1, 2002 — 4, 2010 — 1, 2014 — 1).
«Ja ŭ vydatnaj formie», — skazaŭ jon paśla finišu.
Druhoje miesca siońnia zavajavaŭ aŭstryjec Daminik Łandercinhier. Treci — čech Jarasłaŭ Soŭkup.
Što da biełarusaŭ: Uładzimir Čapielin — 29-y, Siarhiej Novikaŭ — 33-y, Jaŭhien Abramienka — 56-y, Juryj Ladaŭ — 57-y.
Bijatłanist Emil Chiehle Śviendsen u svaim tvitary adznačyŭ Bjorndalena chešteham #hundreårsmenneske, što pierakładajecca, jak «čałaviek stahodździa», paviedamlaje lenta.ru
Siońnia na Alimpijskich hulniaŭ Narviehija vyjhrała dva zołaty, adno srebra, adnu bronzu i ŭznačaliła kamandny zalik. U Niderłandaŭ — adno zołata, adno srebra, adna bronza.
U niadzielu — sprynt u žančyn (17:30).