Siostry z Kanady vyjhrali mohuł: usie miedali pieršaha dnia Alimpijady ŭ Sočy
Viečaram na Alimpijskich hulniach u Sočy byli razyhranyja miedali ŭ mohule (frystajł).
Alaksandr Kražyn, ria.ru
Alimpijskaje zołata vyjhrała Žuścin Dziufur-Łapuant z sumaj dałaŭ 22,44. Srebra ŭ jaje siastry Chłoi Dziufur-Łapuant — 21,66. Bronza — u amierykanki Chanie Kirni (21,49).
Cikava, što treciaja siastra Dziufur-Łapuant Maksim zaniała 12-je miesca.
Pieršym alimpijskim čempijonam Hulniaŭ 2014 h. staŭ amierykaniec Sejdž Katsenburh.
Zołata ŭ łyžach zavajavała narviežka Maryt Bjorhien
Uvieś pjedestał u kańkabiežnym sporcie na dystancyi 5 000 m byŭ za Niderłandami.
U spryncie alimpijskim čempijonam (i siamirazovym uvohule) staŭ 40-hadovy narviežac Ule-Ejnar Bjorndalen.
Pa vynikach pieršaha dnia ŭ miedalnym zaliku lidziruje Narviehija — z čatyrma miedalami: dva załatyja, adzin srebrany, adzin bronzavy.
Narviehija — 2, 1, 1
Hałandyja — 1, 1, 1
Kanada — 1, 1, 1
ZŠA — 1, 0, 1
Aŭstryja — 0, 1, 0
Šviecyja — 0, 1, 0
Čechija — 0, 0, 1
U niadzielu na Alimpijadzie budzie razyhrana siem kamplektaŭ miedaloŭ.
Pačnucca spabornictvy a 10-j — chutkasny spusk u hornych łyžach (mužčyny). Stanuć viadomyja pieramožcy ŭ skijatłonie (łyžy) u mužčyn, u skačkach na łyžach ź siaredniaha tramplina ŭ mužčyn, u słoŭpstajle (snoŭbord) u žančyn, na 3 000 m u kańkabiežnym sporcie siarod žančyn, zavieršacca kamandnyja spabornictvy ŭ fihurnym katańni.
A 17:30 pačniecca sprynt u žanočym bijatłonie, dzie hałoŭnyja biełaruskija nadziei źviazanyja z Darjaj Domračavaj i Nadziejaj Skardzina.
Biełarusy na zimovych Alimpijskich hulniach:
1994 — 0, 2, 0
1998 — 0, 0, 2
2002 — 0, 0, 1
2006 — 0, 1, 0
2010 — 1, 1, 1.