Alimpijskaja čempijonka Ała Cupier: Ja vyrašyła ryzyknuć, i ryzyka apraŭdałasia
«Pakul jašče nie paśpieła ŭśviadomić, što ja ździejśniła», — tak prakamientavała zavajavańnie załatoha miedala na Alimpijadzie ŭ Sočy frystajlistka Ała Cupier.
«U finale trecim skačkom u mianie byŭ «fuł-fuł-fuł». Jaho ja vykonvała na śnieh druhi raz u žyćci. Pieršy byŭ učora na treniroŭcy. Ja vyrašyła ryzyknuć, i hetaja ryzyka apraŭdałasia», — pryvodzić słovy spartsmienki pres-słužba Nacyjanalnaha alimpijskaha kamiteta.
«Da hetaha załatoha miedala ja išła 22 hady, mienavita tady ja ŭpieršyniu pryjšła ŭ spartyŭnuju siekcyju, — adznačyła uradženka Ukrainy Cupier. — Ja nie škaduju ni pra adzin dzień, jaki ja addała sportu. I asabliva ja ŭśviadomiła heta, kali stała alimpijskaj čempijonkaj».