Matvijenka: U Krym moža być uviedzieny abmiežavany kantynhient rasijskich vojskaŭ
U Saviecie Fiederacyi RF dapuskajuć mahčymaść uvodu abmiežavanaha kantynhientu rasijskich vojskaŭ u Krym dla «zabieśpiačeńnia biaśpieki» Čarnamorskaha fłota Rasii i ruskich, jakija tam znachodziacca.
Z takoj zajavaj vystupiła siońnia śpikier vierchniaj pałaty rasijskaha parłamienta Valancina Maćvijenka, pieradaje RIA «Naviny».
«Mahčyma, u hetaj situacyi, idučy nasustrač prośbie ŭrada Kryma, navat ŭvieści naš abmiežavany kantynhient dla taho, kab zabiaśpiečyć biaśpieku Čarnamorskaha fłotu i hramadzian Rasii, jakija pražyvajuć na terytoryi Krymu. Rašeńnie, viadoma ž, za prezidentam našaj krainy, za viarchoŭnym hałoŭnakamandujučym. Ale siońnia, uličvajučy situacyju, navat taki varyjant nielha vyklučać. My pavinny abaranić ludziej», — skazała Maćvijenka.
Jak paviedamlaŭ UNIAN, raniej Rada Dziarždumy Rasii pryniała zvarot da prezidenta RF z zaklikam pryniać miery pa stabilizacyi stanovišča ŭ Krymie.