Biełaruski hienkonsuł u Biełastoku papiaredžvaje pra napady na biełaruskich zakupščykaŭ
Hetaja infarmacyja źjaviłasia paśla taho, jak była apublikavanaja suma, jakuju ŭ minułym hodzie vydatkavali ŭ Polščy biełarusy — 1 młrd dalaraŭ.
Jak paviedamiŭ hienieralny konsuł Respubliki Biełaruś Alaksandr Bierabienia, «bolš čym na 20% pavialičyłasia kolkaść vydavanych nami śviedčańniaŭ na viartańnie — dakumientaŭ, jakija dazvalajuć pierasiekčy miažu tym, chto zhubiŭ pašpart za miažoj i nie moža viarnucca ŭ Biełaruś. Na žal, u bolšaści svajoj heta hramadzianie, jakija padvierhlisia kradziažu i rabavańniu. Razam z sumačkami i barsietkami paciarpiełyja pazbaŭlajucca i ich źmieściva: kašalkoŭ, dakumientaŭ na aŭto, čekaŭ na viartańnie PDV i pašpartoŭ».
Hienkonsuł adznačaje, što pačaścilisia vypadki kradziažoŭ i rabavańniaŭ aŭtamabilaŭ ź biełaruskimi rehistracyjnymi numarami nie tolki ŭ adsutnaść haspadaroŭ abo pa ich niaŭvažlivaści, ale i ŭ vyniku adkrytaha napadu. Miarkujučy z apošnich dadzienych, paciarpiełymi stanoviacca taksama našy turysty, jakija mianiajuć bujnyja sumy ŭ punktach abmienu valut.
U suviazi z hetym biełaruskija dypłamaty źviartajucca da suajčyńnikaŭ, jakija naviedvajuć Biełastok i Padlašša, z prośbaj uvažliva stavicca da svaich dakumientaŭ i kišeniaŭ. Nie trymać ich u adnym miescy, nie pakidać u aŭtamabilach, nie daviarać starońnim. Aŭtamabili lepš parkavać u dobra aśvietlenych miescach, pry mahčymaści na achoŭnych stajankach. Z bujnymi sumami hrošaj, asabliva paśla naviedvańnia punktaŭ abmienu valut, lepš adnym nie razhulvać. Žančynam varta być asabliva aściarožnymi i, robiačy pakupki, brać z saboj nadziejnych spadarožnikaŭ.