Baćki i dzieci: Jeŭrasajuz apublikavaŭ ukrainski čorny śpis
Suprać hetych 18 čałaviek uviedzienyja ekanamičnyja sankcyi. Dakumient apublikavany ŭ «Official Journal of the European Union». U im adznačajecca, što «ŭsie srodki i ekanamičnyja resursy, jakija naležać ci znachodziacca va ŭłasnaści ci pad kantrolem asobaŭ, pryznanych adkaznymi ŭ niezakonnym prysvajeńni dziaržaŭnych srodkaŭ Ukrainy, a taksama asobaŭ, adkaznych za parušeńnie pravoŭ čałavieka va Ukrainie… pavinny być zamarožanyja».
Na čale «čornaha śpisu» — eks-prezident Viktar Janukovič. Taksama ŭ jaho patrapili jaho syny — Alaksandr i Viktar Janukovičy.
Tam ža — eks-ministr unutranych spraŭ Vital Zacharčanka i jaho były namieśnik Viktar Ratušniak.
U śpisie taksama były hienprakuror Viktar Pšonka, syn Pšonki Arciom.
Tut ža eks-premjer Mikałaj Azaraŭ z synam Alaksiejem, jaki pražyvaje ŭ Aŭstryi.
U śpis trapiŭ taksama były kiraŭnik administracyi prezidenta Andrej Klujeŭ z bratam Siarhiejem i svaim byłym namieśnikam Andrejem Partnovym.
Akramia ich, u śpisie — były kiraŭnik Słužby biaśpieki Ukrainy Alaksandr Jakimienka, byłaja ministr justycyi Alena Łukaš, były ministr adukacyi Dźmitryj Tabačnik, byłaja ministr achovy zdaroŭja Raisa Bahatyrova, były daradca Viktara Janukoviča Ihar Kalinin. Narešcie, biznesmien Siarhiej Kurčanka. Darečy, Kurčanka ŭ apošnich dniach lutaha paśpieŭ pradać Adeski naftapierapracoŭčy zavod rasijskaj dziaržaŭnaj «Rośniefti».
Sankcyi nabyli moc 6 sakavika i buduć dziejničać na praciahu hoda.