Hienprakuror Ukrainy: Cnajpiery ŭ Kijevie stralali z budynka Nacbanka
Padčas masavaha rasstrełu 20 lutaha na vulicy Instytuckaj u Kijevie prycelny ahoń viali z budynka Nacyjanalnaha banka Ukrainy.
Pra heta zajaviŭ v.a. hienieralnaha prakurora Ukrainy Aleh Machnicki.
«Užo možna skazać, što z Nacyjanalnaha banka ažyćciaŭlalisia streły snajpierskaj vintoŭkaj. Tam znojdzienyja adpaviednyja ślady, hilzy ad snajpierskaj vintoŭki. Hetaja viersija ŭžo daśledavanaja, i jana sapraŭdy paćviardžajecca», — paviedamiŭ v.a. hienprakurora ŭ efiry «5 kanała».
Pavodle jaho słovaŭ, praviarajucca taksama viersii, što snajpierskaj ahoń vioŭsia z hatela «Ukraina» na instytuckaj i «Doma z chimierami» na vulicy Bankavaj. «Pa hetych abjektach pravodziacca daśledavańni, ahlady, ekśpiertyzy», — cytuje Machnickaha «Interfaks-Ukraina».
Jon taksama raskazaŭ, što siarod fihurantaŭ kryminalnaj spravy pa fakcie masavaha rasstrełu ludziej — kiraŭnik śpiecpadraździaleńnia Krymskaha terytaryjalnaha ŭpraŭleńnia ŭnutranych vojskaŭ, pałkoŭnik Siarhiej Asavaluk. «Adnosna ŭsich udzielnikaŭ padziej, jakija nam užo siońnia viadomyja, dadzienaje daručeńnie na ich vyšuk», — skazaŭ Machnicki.