70% «novych» pensijanieraŭ praciahvajuć pracavać
Nie spadziajucca na hodna pražyć na dziaržaŭnaj pajcy 27 tysiač žančyn i 15,5 tysiač mužčyn z 60000 pracaŭnikoŭ, što sioleta atrymali prava na pensiju.
U Biełarusi kala 70% «novych» piensijanieraŭ praciahvajuć pracavać. Pra heta paviedamiła načalnik hałoŭnaha ŭpraŭleńnia piensijnaha zabieśpiačeńnia i sacyjalnaha strachavańnia Ministerstva pracy i sacyjalnaj abarony Valancina Karalova.
Sioleta na piensiju pa ŭzroście vyjšli bolš za 60 tysiač čałaviek, pryčym bolš za 15,5 tysiač mužčyn i 27 tysiač žančyn nie pakinuli svaje pracoŭnyja miescy.
Kožny piaty «novy» piensijanier nie dasiahnuŭ piensijnaha ŭzrostu (55 hadoŭ — dla žančyn, 60 hadoŭ — dla mužčyn).
Na 1 vieraśnia ahulnaja kolkaść atrymalnikaŭ piensij u orhanach pa pracy, zaniataści i sacyjalnaj abaronie dasiahnuła 2 miljonaŭ 420 tysiač čałaviek. Praciahvajuć pracavać 533 tysiačy piensijanieraŭ.