Zubkoŭ paśla dakładu Pucinu patelefanavaŭ Sidorskamu
22 kastryčnika premjer‑ministar Rasiei Viktar Zubkoŭ z ułasnaj inicyjatyvy patelefanavaŭ svajmu biełaruskamu kalehu Siarhieju Sidorskamu, kab abmierkavać miery pa vykanańni damoŭlenaściaŭ, dasiahnutych u časie pracoŭnaha vizytu Zubkova ŭ Miensk, jaki prajšoŭ try dni tamu.
Viktar Zubkoŭ |
Siarhiej Sidorski |
22 kastryčnika premjer‑ministar Rasiei Viktar Zubkoŭ z ułasnaj inicyjatyvy patelefanavaŭ svajmu biełaruskamu kalehu Siarhieju Sidorskamu, kab abmierkavać miery pa vykanańni damoŭlenaściaŭ, dasiahnutych u časie pracoŭnaha vizytu Zubkova ŭ Miensk, jaki prajšoŭ try dni tamu.
Jak paviedamlaje aficyjny sajt biełaruskaha ŭradu, surazmoŭcy paćvierdzili damoŭlenaść pra stvareńnie stałych biełaruska‑rasiejskich hrup pa vyrašeńni prablemnych pytańniaŭ. Da prablemnych pytańniaŭ u dačynieńniach miž krainami siońnia adnosiacca enerhietyčnaja, mytnaja j transpartnaja sfery, pastaŭka sielskahaspadarčaj pradukcyi, supracoŭnictva ŭ halinie sielskaj haspadarki j pierapracoŭčych halinach, vytvorčaja kaaperacyja j stvareńnie supolnych vytvorčaściaŭ.
Uzdym i aperatyŭnaść, ź jakoj biełaruski ŭrad paviedamiŭ planecie pra hety zvanok, tłumačycca tym, što inicyjatyva Zubkova patelefanavać Sidorskamu atrymała ŭchvaleńnie samoha Pucina ŭ źviazku z kanjunkturaj na rasiejskim rynku praduktaŭ.
«Dastatkova vostra staić prablema stabilizacyi cenaŭ… Aproč administratyŭnych zachadaŭ (jany prymajucca siońnia) rašeńniem hetaha važnaha pytańnia pasłúžyć, na moj pohlad, stvareńnie zdarovaj kankurencyi na našych praduktovych rynkach, u tym liku za košt padtrymki kaaperacyjnych dy investycyjnych suviaziaŭ u ramkach Sajuznaj dziaržavy ź Biełaruśsiu. Hetaje pytańnie my siońnia padrabiazna razhledzim na kamisii pa praduktovym rynku, jakuju ja pravodžu štotydnia», — dakłaŭ 22 kastryčnika rasiejski premjer prezydentu Pucinu.
Ahulnaje kuratarstva dziejnaści zhadanych pracoŭnych hrup budzie ŭskładziena ź biełaruskaha boku na vice‑premjera Andreja Kabiakova, z rasiejskaha — na kiraŭnika aparatu ŭradu RF — Siarhieja Naryškina.