Ruskaja ruletka jedzie ŭ Biełaruś
Rasiejki hulniavy biznes aktyŭna skuplaje ŭ Biełarusi kazino dy inšyja hulniavyja ŭstanovy, adznačajuć admysłoŭcy. Jakija nastupstvy heta moža mieć dla Biełarusi?
Rasiejki hulniavy biznes aktyŭna skuplaje ŭ Biełarusi kazino dy inšyja hulniavyja ŭstanovy, adznačajuć admysłoŭcy. Jakija nastupstvy heta moža mieć dla Biełarusi?
Z pačatku hodu, kolkaść hulniavych aŭtamataŭ u Biełarusi pavialičyłasia bolej jak na 60 %, pryčym pałovu ź ich pryvieźli z Rasiei. Hetak kažuć ŭ Kamitecie dziaržkantrolu. Amal na pałovu paboleła taksama bukmekierskich kantor, kazino i zalaŭ hulniavych aŭtamataŭ, adkrytych, pavodle dziaržaŭnych kantraloraŭ, na rasiejskija hrošy.
Admysłoŭcy tłumačać ekspansiju niadaŭna pryniatym u Rasiei novym zakonam, jaki rehuluje hulniavy biznes. Pavodle hetaha zakonu, praz dva hady takija ŭstanovy zastanucca tolki ŭ čatyroch rasiejskich rehijonach — Ałtajskim i Prymorskim krajach, Kalininhradzkaj vobłaści, a taksama ŭ rehijonie Krasnadarski kraj—Rastoŭskaja vobłaść. Što heta źmienić, možna tolki pradbačyć, ale ŭžo ciapier vidavočna: rasiejskamu hulniavamu biznesu stała ciesna ŭ miežach svajoj krainy. Ale admysłoŭcy adznačajuć — bolšaść z pryviezienych z Rasiei hulniavych mechanizmaŭ sastarełyja maralna i fizyčna.
Maryna pracuje ŭ mienskim kazino. Dziaŭčyna pierakanana: tyja hulniavyja aŭtamaty niebiaśpieki nie ŭjaŭlajuć.
«U Rasiei takoje mahčyma. Ale ŭ nas usie aŭtamaty apiačatanyja, bo ŭ luby momant prychodzić pravierka, jana adkryvaje aparat i bačyć, ci daje jon vyjhryš pavodle normy. Kali nie, dyk zakryjuć ŭsio kazino. Tamu, navošta ryzykavać? Nie, našy zakony nie padmanieš».
U kazino Maryny adpaviednyja dla takich ŭstanoŭ ŭmovy: u pamiaškańni niama hadzińnikaŭ i voknaŭ. Pryjemnaja muzyka, napoi spryjajuć tamu, kab čałaviek hulaŭ znoŭ i znoŭ. Ale heta źniešnija prykmiety, a što pa sutnaści? Ci adroźnivajucca biełaruskija kazino ad zamiežnych, pavodle adpaviednaści zakonu?
Kantralory z KDK adznačajuć typovyja dla krainy parušeńni: nieaplambavanyja aparaty i niedachop inspektaraŭ, jakija kantralujuć vykanańnie praviłaŭ hulni. Taksama znojdzienyja machinacyi z vypłataj hrošaj.
Adna z mahčymaściaŭ abmiežavanyja — pamieram hrašovych aperacyj . Pavodle Maryny, u mienskich kazino nie prymajuć vialikich stavak — jany nia bolej za tysiaču dalaraŭ. Adroźnivajecca i mentalnaść hulcoŭ. Sytuacyi, kali klijent źnievažaje krupje, jak časta zdarajecca ŭ Rasiei, tut niemahčymyja.
«Takoha klijenta vyvieduć i bolej nia puściać», — kaža Maryna.
Jaki samy bolšy vyjhryš bačyła dziaŭčyna? 43 tysiačy dalaraŭ na jaje vačach vyjhraŭ adzin hramadzianin. Ale zajzdraści dziaŭčyna nie adčuła i ŭvohule naviednikaŭ škaduje, jak chvorych ludziej. Taksama jaje ździŭlaje reakcyja na vyjhryš.
«Jany nia radujucca. Biaruć hrošy i ŭsio. Dy jašče kažuć, što mała im dali».