A. Łukašenka: Biełaruś nie adstupić ad intehracyjnych pracesaŭ u Sadružnaści
Pra heta kiraŭnik dziaržavy zajaviŭ siońnia na sustrečy sa staršynioj Vykanaŭčaha kamiteta ‑‑ vykanaŭčym sakratarom SND Siarhiejem Lebiedzievym.
Biełaruś nie adstupić ad intehracyjnych pracesaŭ u Sadružnaści Niezaležnych Dziaržaŭ. Ab hetym prezident Biełarusi Alaksandr Łukašenka zajaviŭ siońnia na sustrečy sa staršynioj Vykanaŭčaha kamiteta — vykanaŭčym sakratarom SND Siarhiejem Lebiedzievym.
Alaksandr Łukašenka padkreśliŭ, što pryniatyja na niadaŭnim samicie ŭ Dušanbie Kancepcyja dalejšaha raźvićcia SND i Płan mierapryjemstvaŭ pa jaje realizacyi dajuć mahčymaść skancentravacca na niečym kankretnym i vieści bolš pradmietnuju rabotu ŭ Sadružnaści. Pavodle słoŭ kiraŭnika dziaržavy, Biełaruś prymała aktyŭny ŭdzieł u raspracoŭcy hetych dakumientaŭ i ŭ mnohim dziakujučy našaj krainie jany byli pryniaty.
Prezident pavinšavaŭ Siarhieja Lebiedzieva z naznačeńniem na pasadu staršyni Vykanaŭčaha kamiteta — vykanaŭčaha sakratara SND, adznačyŭšy, što heta «vielmi składanaja i abjomnaja rabota ŭ vyniku tych uzajemaadnosin, jakija časam składvajucca pamiž dziaržavami ŭ ramkach SND».
Siarhiej Lebiedzieŭ u svaju čarhu zajaviŭ, što Biełaruś źjaŭlajecca adnym z ruchavikoŭ usich intehracyjnych pracesaŭ. Jon taksama dadaŭ, što budzie rabić usio dla zachavańnia i ŭmacavańnia Sadružnaści.
«Dla hetaha jość abjektyŭnyja histaryčnyja pieradumovy, tradycyi, jakija źviazvajuć našy narody», ‑‑ skazaŭ Siarhiej Lebiedzieŭ.