Novy albom Lavona Volskaha «Hramadaznaŭstva» — całkam u internecie
Na internet-łejble «Piaršak» časopisa 34mag.net źjaviŭsia novy albom Lavona Volskaha «Hramadaznaŭstva».
Albom, jak i abiacałasia atrymaŭsia žorstkim i naporystym, złym i hučnym — admysłova dla tych, chto sumuje pa časach N.R.M. ich roskvitu.
Heta supolnaja praca narviežskich muzykaŭ Snore Berheruda, Sindre Skeje i ŭłasna Volskaha. Albom zapisvaŭsia ŭ Vilni, na studyi Ymir Audio.
«Snore pracavaŭ u žanry manumientalizmu, — kamientuje Volski hučańnie kružełki. — Pieśni tam usie jak kamiani ŭ brukavancy».
«Hety albom bolš nahadvaje aŭtamatnuju čarhu, kuli jakoj bjuć pa našych kompleksach, strachach i nadziejach», – kažuć pradstaŭniki 34mag.net.
Lavon Volski padkreślivaje, što hetym albomam chacieŭ vykazacca «prosta i jasna»: «Ja dumaju, što skončyŭsia čas kampramisaŭ. Čas handlu, prymańnia ŭmovaŭ hulni, unutranaha cenzara i łaviravańnia. Syšoŭ čas ezopavaj movy, schavanych sensaŭ i čytańnia pamiž radkami».
Internet-prezientacyja alboma adbyłasia akurat na Dzień Voli. Spampavać albom možna zadarma.