V.a. kiraŭnika Ukrainy: Rola SBU ŭ zachavańni suvierenitetu vyrasła jak nikoli
U čas, kali samo isnavańnie Ukrainy jak niezaležnaj i demakratyčnaj dziaržavy pad pahrozaj, nadzvyčaj uzrastaje rola Słužby biaśpieki jak orhana, jaki abaraniaje suvierenitet krainy.
Pra heta zajaviŭ v.a. prezidenta Ukrainy, staršynia Viarchoŭnaj Rady Alaksandr Turčynaŭ u vinšavańni z nahody 22-hodździa Słužby biaśpieki Ukrainy.
«Siońnia na dolu našaj Radzimy vypali ciažkija vyprabavańni, jakija staviać pad pahrozu samo jaje isnavańnie jak niezaležnaj i demakratyčnaj dziaržavy. I ŭ hetych niaprostych umovach nadzvyčaj uzrastaje rola Słužby biaśpieki, taho pravaachoŭnaha orhana śpiecyjalnaha pryznačeńnia, jaki staić na varcie suvierenitetu našaj krainy», — zajaviŭ Turčynaŭ.
Śpikier vykazaŭ pierakanańnie, što pryncypovaja pazicyja kožnaha supracoŭnika Słužby jak čałavieka z pačućciom hramadzianskaha abaviazku i patryjatyzmu dazvolić Ukrainie pieraadoleć usie ciažkaści i zaniać hodnaje miesca pad mirnym niebam svabodnaj Jeŭropy.
Turčynaŭ pažadaŭ asabovamu składu, supracoŭnikam i vieteranam SBU ščaścia, mocnaha zdaroŭja, paśpiachovaj realizacyi adkaznych zadač.