Rasija ažyćciaŭlaje pašpartny kantrol na biełaruska-rasijskaj miažy, šukaje ŭkraincaŭ
Rasijskija pamiežniki spyniajuć i nadhladajuć aŭtamabili, praviarajuć dakumienty i hruzy. Pamiežniki ŭzbrojenyja.
Adzin z pamiežnikaŭ raskazaŭ karespandentu «Našaj Nivy», što ich zadača — vyjaŭleńnie i pravierka ŭkraincaŭ, jakija kirujucca ŭ Rasiju tranzitam praź Biełaruś.
U zvyčajnaj situacyi na miažy Biełarusi i Rasii niama pamiežnaha i mytnaha kantrolu.
Jak spraŭdzili karespandenty «Našaj Nivy», kantrol ažyćciaŭlajecca bieź lišniaha impetu. Pamiežniki aryjentujucca na mašyny z ukrainskimi numarami. Aŭtamabili ź biełaruskimi numarami asabliva nie trasuć.
Anałahičny kantrol na miažy Rasija ŭvodziła ŭ časie Alimpijady.