Ukrainskich vajskoŭcaŭ vyvieduć z Kryma razam z technikaj
Ukraina dasiahnuła damoŭlenaści z Rasijskaj Fiederacyjaj nakont vyviadzieńnia ŭkrainskich vajskovych častak z Aŭtanomnaj Respubliki Krym u poŭnym składzie sa zbrojaj. Pra heta zajaviŭ v.a. ministra abarony Ukrainy Ihar Cieniuch, vystupajučy ŭ parłamiencie.
«Siońnia zapłanavany pieramovy pieršaha namieśnika načalnika hienštaba z namieśnikam ministra abarony RF hienierałam Bułhakavym ab miechaniźmie i paradku vykanańnia dasiahnutych damoŭlenaściej», — skazaŭ Cieniuch.
Pa słovach Cieniucha, na siońniašni dzień jość płan, u adpaviednaści ź jakim, u pieršuju čarhu, adbudziecca vyviadzieńnie asabovaha składu i ŭzbrajeńnia, techniki, sił i srodkaŭ SPA, karabloŭ i materyjalna-techničnych srodkaŭ.