U Homieli 13-hadovy školnik ledź nie patanuŭ u basiejnie — jon znachodzicca ŭ reanimacyi
U vyniku zdareńnia, jakoje adbyłosia ŭčora ranicaj u basiejnie «Delfin» u Homieli, 13-hadovy chłopčyk trapiŭ u reanimacyju ŭ ciažkim stanie.
Padčas treniroŭki pa płavańni padletak raptam pajšoŭ na dno. Jaho padniali z vady na pavierchniu i da prybyćcia chutkaj akazali pieršuju dapamohu.
Paśla hetaha dzicia było dastaŭlena ŭ reanimacyjnaje adździaleńnie abłasnoj kliničnaj balnicy. Z dyjahnazam «patapleńnie» chłopčyk znachodzicca ŭ ciažkim stanie.
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, pa hetym fakcie Homielskim haradskim adździełam Śledčaha kamiteta pravodzicca pravierka.