Dvuch aktyvistaŭ BCHD zatrymali na vychadzie z ukrainskaha konsulstva, praviarajuć na narkotyki
Abnoŭlena
U Breści zatrymanyja aktyvisty Biełaruskaj chryścijanskaj demakratyi Hieorhij Dźmitruk i Źmicier Šuchraj. Jany byli ŭziatyja milicyjantami, kali vychodzili z konsulstva Ukrainy. Aktyvistaŭ zavieźli ŭ adździaleńnie milicyi, što im inkryminujuć — pakul nieviadoma. Pra heta paviedamiŭ «Našaj Nivie» sustaršynia arhkamiteta pa stvareńni partyi BCHD Pavał Sieviaryniec.
Hieorhij Dźmitruk uznačalvaje Kamitet salidarnaści z Ukrainaj, nastupnaje pasiedžańnie jakoha miełasia prajści zaŭtra. Abmiarkoŭvacca musiŭ šyroki śpiektr pytańniaŭ — ad nazirańnia na ŭkrainskich prezidenckich vybarach da akcyj salidarnaści z ukrainskim narodam. Sieviaryniec nie vyklučaje, što zatrymańnie mieła na mecie sarvać pasiedžańnie.
Kala 17 hadzin Pavieł Sieviaryniec paviedamiŭ «NN», što milicyjanty pačali praviarać chłapcoŭ na narkotyki.
«Dmitruk dasyłaje sms-ki. I stała viadoma, što ich praviarali na ŭtrymańnie ałkaholu. Chłopcy pratestanty, tamu, viadoma, ničoha nie znajšli. Pakolki ich trechba pratrymać, to ich praviarajuć na narkotyki, a taksama ich aŭtamabil», — paviedamiŭ Pavał Sieviaryniec.
Jon adznačyŭ, što hetyja dziejańni z boku milicyi — demanstratyŭnyja zachady z metaj zapałochać. Bo chłopcy prymali aktyŭny udzieł u dziejnaści kamiteta Za salidarnaść z Ukrainaj.
Telefon Dmitruka adklučany.