Rasija «dazvoliła» ŭkrainskim vajskoŭcam pakinuć Krym
Pres-sakratar prezidenta Rasii Uładzimira Pucina Dźmitryj Piaskoŭ zajaviŭ, što ŭkrainskija vajskoŭcy mohuć svabodna vyjści z terytoryi Kryma, «ale sa zbrojaj ci nie — budzie vyrašać Minabarony».
Taksama jon adznačyŭ, što nie bačyć padstaŭ dla źnižak na ceny na haz dla Ukrainy.
«U suviazi z tym, što bolš niama rasijskaha fłotu, jaki bazujecca na terytoryi Ukrainy, to niama i nahody dla hetaj źnižki, … a taksama ŭ suviazi z tym, što Ukraina nie apłačvaje svaju zapazyčanaść, niama padstavy i dla źnižki», — zajaviŭ žurnalistam pres-sakratar kiraŭnika rasijskaj dziaržavy.
U toj ža čas, pa słovach Piaskova, kančatkovaje rašeńnie hetaha pytańnia zastajecca za «Hazpromam».