Pradprymalny minčuk: Braŭ mašyny na test-drajv, a sam ich pradavaŭ
Jak paviedamili ŭ HUUS Minharvykankama, zatrymali 30-hadovaha minčuka, jakoha padazrajuć u machlarstvie. Jon pracavaŭ pa dźviuch schiemach.
Pa pieršaj, jon šukaŭ abviestki ab prodažy aŭmatamabilaŭ, prasiŭ aŭto na paru dzion dla test-drajvu, a sam za hety čas mašynu pradavaŭ. Braŭ u pakupnikoŭ hrošy (sumy byli značna mienšyja, čym realnaja cana) i abiacaŭ u bližejšy čas zaniacca afarmleńniem dakumientaŭ. Ale źnikaŭ.
Pa druhoj schiemie, minčuk prymaŭ zamovy na vyrab kaminaŭ i piečak, braŭ pieradapłatu i taksama źnikaŭ.
U milicyju źviarnułasia kala dvaccaci čałaviek, jakich ašukali. Materyjalnaja škoda aceńvajecca ŭ 500 miljonaŭ rubloŭ. Zaviedziena kryminalnaja sprava.
Kali vy paciarpieli ad dziejańniaŭ čałavieka na fota, źviartajciesia ŭ Frunzieskaje RUUS Minska na: (044) 581-11-26, (033) 694-68-28, (017) 257-02-03.