Dzień Voli: «Hierojam słava» — «Žyvie Biełaruś» — anłajn-repartaž
abnaŭlajecca, dadajucca fota i videa
23:30
Sajt NN.BY byŭ zabłakavany ŭ časie šeścia na Dzień Voli
Tatalnaja błakada doŭžyłasia prykładna z 19.15 da 23.30.
Heta pieršy taki vypadak z sajtam «Našaj Nivy».
Cuviazi z sajtam nie było niadkul, akramia data-centru.
Adkaznaść lažyć nie na chostary, paviedamili nam śpiecyjalisty. Havorka, najchutčej, idzie pra naŭmysnaje błakavańnie z boku «Biełtelekama». Sajt nie pracavaŭ navat praz Tor.
U śniežni 2010 hoda, kali adbyvalisia prezidenckija vybary. Tady redakcyja zdoleła zachavać dostup da sajta praz pda-viersiju. Siońnia sajt byŭ całkam zabłakavany.
My nie vyklučajem, što naš sajt staŭ svojeasablivym palihonam, na jakim adpracoŭvalisia novyja «mietady pracy» pierad prezidenckimi vybarami 2015 hoda.
U časie błakavańnia Redakcyja pracavała praz sacyjalnyja sietki:
Ukantakcie — vk.com/nasa_niva
Fejsbuk — facebook.com/pages/Naša-Niva-pieršaja-biełar…
Tvitar — twitter.com/@nasa_niva
Tam vy možacie znajści samy poŭny anłajn-repartaž.
I, kali łaska, zafrendzicie hetyja adrasy, kab mieć dostup da NN u vypadku paŭtareńnia takoha błakavańnia.
20:25
Mitynh skončany, pacichu razychodziacca. Pravabaroncy paśla akcyi paviedamili pra dzieviacioch zatrymanych.
20:15
Staršynia Partyi BNF Alaksiej Janukievič padziakavaŭ prysutnym za padtrymku biełaruskaj niezaležnaści i za toje, što jany pryjšli skazać «nie — rasijskamu impieryjalizmu, paviedamlaje BiełaPAN.
Palityk zaznačyŭ, što Partyja BNF salidarnaja z ukrainskim narodam. «U niezaležnaści Biełarusi i Ukrainy adzin vorah — rasijski impieryjalizm, — skazaŭ Janukievič. — Šmat chto kazaŭ niekalki miesiacaŭ tamu, što Rasija źmianiłasia, hatovaja intehravacca ŭ mižnarodnuju supolnaść. Ale siońnia nie zastałosia ludziej ź ćviarozym rozumam, jakija tak dumajuć. U Kramli siadzić impieryjaliscki režym, jaki prahnie adnaŭleńnia kryvavaj impieryi. My siońnia vyjšli, kab skazać: Biełaruś — niezaležnaja kraina. Biełarusy nie pahodziacca ni na jakija anšlusy. Naš vybar — niezaležnaść».
Na mitynhu byŭ začytany zvarot krymskich tatar, u jakim havorycca, što ich lidar ciapier znachodzicca ŭ Turcyi i «zaŭtra-paślazaŭtra pačniecca baraćba krymskich tatar za Krymska-tatarskuju aŭtanomiju».
20:10
Mitynh pačaŭsia chvilinaj maŭčańnia ŭ pamiać ab achviarach sutyknieńniaŭ u Kijevie, paśla čaho prysutnyja praskandavali «Słava Ukrainie!» i «Žyvie Biełaruś». Aleś Łahviniec začytaŭ zvarot staršyni Rady BNR Ivonki Surviły z nahody śviata.
akazać u hetym pasilnuju dapamohu.
20.22. «Kab Dzień Voli staŭ nie tolki simvałam, ale i realnym žyćciom, patrebna vialikaja rašučaść, — zajaviŭ na mitynhu sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec. — Svaboda pavinna być u nas u sercy». Sieviaryniec paviedamiŭ, što 26 sakavika projdzie pasiadžeńnie kamiteta salidarnaści z Ukrainaj, na jakim «budzie vyrašacca, jak va ŭmovach rasijskaj akupacyi i vajny dapamahčy braterskamu narodu i Biełarusi». Palityk zaklikaŭ udzielnikaŭ mitynhu bajkatavać «chłuślivyja rasijskija i aficyjnyja biełaruskija telekanały».
Paśla vystupleńnia Sieviarynca arhanizatary ab`iavili ab zakančeńni mitynhu.
20.26. Pavodle infarmacyi pravaabaroncy Julii Ściapanavaj, paśla mitynhu zatrymanyja šeść aktyvistaŭ inicyjatyvy «Jeŭrapiejskaja Biełaruś», ich pavieźli na mašynie.
20:05
Kali ŭdzielniki šeścia sabralisia na Płoščy Banhałor niečakana patuchli ŭsie lichtary i stała ciomna.
19.40
Udzielniki šeścia dajšli da płoščy Banhałor, jakaja była abharodžana mietaličnymi turnikietami. Kantrolna-prapusknyja punkty pracavali marudna. Supracoŭniki milicyi pilna praviarali ŭdzielnikaŭ akcyi i ich rečy.
19:33
Padčas ruchu demanstrantaŭ pa vulicy Surhanava dvoje ludziej napadpitku pačali kryčać «Nie padabajecca ŭ hetaj krainie — valicie ŭ inšuju!» i niecenzurna łajacca, paviedamlaje BiełaPAN.
Kali adzin z supracoŭnikaŭ milicyi spyniŭsia kala ich, tyja skazali: «Usio-ŭsio, my svaje». Demanstranty, što prachodzili mima, pačali apładavać.
Na prypynku hramadskaha transpartu la ŭniviersama Ryha niekalki čałaviek u cyvilnym pasprabavali schapić niekalki anarchistaŭ. Tyja paśpieli zaskočyć u tralejbus, nieviadomyja ŭ cyvilnym taksama zaskočyli za imi, paviedamlajuć pravaabaroncy.
Paśla 19:00 praca sajta «Naša Niva» była na niekatory čas błakavana.
19.01
«Nie — maskalkim akupantam!», «Nie — machlarskim akupantam!», «Nie — kramloŭskim akupantam!», «Žyvie Biełaruś!» — skanduje šeście.
Źmicier Chviedaruk pryjšoŭ u vyšyvancy
Staršynia Partyi BNF Alaksiej Janukievič
19.00
Kala Doma druku adnaho z pravakataraŭ pieradali milicyjantam, paviedamlaje «Viasna» ŭ svaim tvitary.
18.51
Tolki što bačyli pravakatara (u kiepcy z cyharetaj). Chłopiec trochu pjany, ŭ spartovym. Nazyvaŭ ludziej padonkami i łajaŭsia pa-roznamu. Jon stajaŭ pobač z amapam na Surhanava. Jaho nie zatrymlivali, pieradajuć karespandenty NN. Na anłajn-tranślacyi radyjo «Svaboda» čuvać, jak jon kaža pra ŭdzielnikaŭ šeścia: «U nas mnoha lasoŭ i paloŭ, niachaj tudy iduć i žyvuć».
.18.50
18.42
Šeście idzie vulicaj Surhanava. Kolkaść udzielnikaŭ možna acanić u dźvie tysiačy čałaviek, paviedamlajuć karespandenty NN ź miesca padziei.
18.40
18.35
Kałona rušyła. Napieradzie niasuć raściažku z nadpisam «Dzień Voli», płakat z nadpisam «Heć!»
18.33
Udzielniki skandujuć «Rasija — akupant!», śpiavajuć «My vyjdziem ščylnymi radami».
18.30
Šychtujucca ŭ kałonu, nieŭzabavie šeście rušyć praśpiektam.
18.29
Ludzi skandujuć «Bandu heć!»
18.28
Ahułam, adznačajuć udzielniki, hety Dzień Voli vielmi jaskravy. Ludzi prynieśli šmat ściahoŭ, samarobnych płakataŭ, łozunhaŭ. Ź vializnym bieł-čyrvona-biełym ściaham pryjšoŭ padpałkoŭnik Kazłoŭ, jaki vykryŭ falsifikacyi na parłamienckich vybarach. Nastroj u ludziej pryŭźniaty, śviatočny.
18.27
Da akcyi dałučylisia ŭdzielniki z hihanckimi źviazkami bieł-čyrvona-biełych bałonikaŭ, štuk pa 20-30.
18.24
Fota z Tvitara Antona Matolki.
18.22
18.18
Siarod udzielnikaŭ chodziać pravakatary. Jany čepiacca da ŭdzielnikaŭ akcyi z pytańniami: kolki vam zapłacili? a ŭ vas spajsy jość? Jany ŭ ciomnaj vopratcy, nie duža mocnaha ciełaskładu.
18.17
Achvotnym razdajuć žoŭta-błakitnyja stužki na znak salidarnaści z Ukrainaj. Razdajuć i tekst himna «My vyjdziem ščylnymi radami».
18.16
Aŭtamabilisty, jakija jeduć praśpiektam, padtrymlivajuć udzielnikaŭ akcyi sihnałami.
18.12
Ź miehafona — pieśnia «Lapisaŭ» «Nie być skotam!» Ludzi plaskajuć i ŭhołas padpiavajuć.
18.08
Ludzi skandujuć «Słava Ukrainie! Hierojam słava!»
18.04
Maładziony trymajuć raściažku z partretami Bandery, Šuchieviča, Bułak-Bałachoviča, Vituški i Hadleŭskaha i nadpisam «Hieroi nie pamirajuć».
18.03
17.58
17.55
Ciažarnaja Nasta Pałažanka pryjšła na Dzień Voli razam z mužam — Źmitrom Daškievičam. U Daškieviča ukrainskaja stužačka na pinžaku.
17.53
Praź miehafon uklučajuć «Pavietrany šar» Volskaha i pieśni «Akijana Elzy», ludzi skandujuć «žyvie Biełaruś!» Jość płakaty salidarnaści z Ukrainaj.
17.49
Jak paviedamlaje karespandent NN, tolki što asoby ŭ cyvilnym zatrymali dvaich čałaviek na vychadzie z stancyi mietro «Akademija navuk». Heta naziralniki ad BCHK Hurski i Aniśsia Kaźluk. Ich adviali ŭ milicejski pakoj u mietro. Pacikavilisia, što jany pišuć i navošta, pierapisali źviestki i adpuścili.
17.45
Na placoŭcy pierad kinateatram «Kastryčnik» źbirajucca ludzi. Ich užo kala dvuchsot čałaviek. Nad hramadoj uźnialisia pieršyja bieł-čyrvona-biełyja ściahi.
17.40
U Alesia Kirkieviča, haradzienskaha aktyvista, žurnalista, milicyjanty vyrašyli zrabić ahlad kvatery, paviedamlaje radyjo «Svaboda».
Alesia vyklikali siońnia na 15 hadzinaŭ ŭ adździaleńnie milicyi «Centar» na prafilaktyčnuju hutarku.
Jaho pratrymali bolš za paŭtary hadziny, paśla čaho dastavili na kvateru, dzie jon žyvie, i pravodziać jaje ahlad.
Aleś Kirkievič — były palitviazień. Byŭ aryštavany za Płošču ŭ śniežni 2010 hodu
17.36
Kala vychadaŭ ź mietro «Akademija navuk» dziažurać milicyjanty i asoby ŭ cyvilnym.
17.35
Aŭtazaki za kinateatram «Kastryčnik». Fota z Fejsbuku.
17.25
Na vulicy Daraševiča kala praśpiekta— zvyčajnym miescy dysłakacyi siłavikoŭ pierad akcyjami — šeść aŭtobusaŭ ź milicyjaj, pryčym try ź ich — biez numaroŭ. Taksama pryparkavany aŭtazak.
17.21
Jak paviedamlajuć našy karespandenty, u dvarach za «Lido» na Jakuba Kołasa stajać dva aŭtobusy ź milicyjaj i niekalki mienšych transpartnych śpiecsrodkaŭ.
Usio samaje cikavaje sa śviatkavańnia Dnia Voli ŭ Minsku budzie publikavać sajt NN ŭ anłajnavym režymie. Našyja karespandenty ŭžo znachoziacca na miescy padziej. Sačycie za abnaŭleńniami na staroncy.
Zbor udzielnikaŭ akcyi pačniecca ŭ 18.00 kala kinateatra «Kastryčnik», zatym adbudziecca šeście pa praśpiekcie Niezaležnaści i vulicy Surhanava da parku Družby Narodaŭ, dzie z 19.30 da 20.00 pavinien prajści mitynh.