Maci Saška Biełaha — biełaruska, udzielnica UPA
Alena Dźmitryjeŭna Muzyčko, maci zabitaha siońnia kaardynatara «Pravaha siektaru» ŭ zachodnim rehijonie Ukrainy Alaksandra Muzyčko (Saško Bieły), — biełaruska, rodam z Paleśsia.
Saško Bieły zaŭždy padkreślivaŭ, što jahonaja maci biełaruska, — paćvierdzili Radyjo Svaboda ź niekalkich krynicaŭ.
Razam z mužam, ukraincam Ivanam Dźmitryjevičam Muzyčko, Alenu Dźmitryjeŭnu asudzili za ŭdzieł u AUN—UPA na 20 hadoŭ vysyłki. Saško i jahony starejšy brat Adam naradzilisia ŭ Kiziele ŭ Piermskaj vobłaści Rasii. Adbyŭšy termin vysyłki, baćki viarnulisia va Ukrainu i pasialilisia pad Roŭna.
Hetuju infarmacyju paviedamiŭ siabar i paplečnik Saško Biełaha, siabar UNA-UNSA Siarhiej Pandrak.
Alena Dźmitryjeŭna Muzyčko ciapier u balnicy. Pahavaryć ź joju asabista nie ŭdałosia.