Pryjom narkotykaŭ u Minsku skončyŭsia zabojstvam
Upraŭleńniem Śledčaha kamiteta pa Minsku raspačata kryminalnaja sprava ŭ dačynieńni da minčanina 1979 hoda naradžeńnia, jaki padazrajecca ŭ zabojstvie z asablivaj žorstkaściu.
Jak paviedamiŭ aficyjny pradstaŭnik USK pa Minsku Alaksandr Hierasimaŭ, ranicaj 24 sakavika ŭ svajoj kvatery sa šmatlikimi kołata-rezanymi ranieńniami byŭ znojdzieny trup minčanina 1980 hoda naradžeńnia. Ź miesca złačynstva z nažavym ranieńniem u žyvot špitalizavany padazravany va ŭčynieńni zabojstva.
Ustanoŭlena, što padazravany i zahinuły raniej nieadnarazova byli sudzimyja, u tym liku za złačynstvy, źviazanyja ź niezakonnym abarotam narkotykaŭ. Pavodle słoŭ Hierasimava, charaktarystyki abodvuch, šmatlikija ślady ad injekcyj, uziatyja ź miesca złačynstva vykarystanyja šprycy i inšyja rečyŭnyja dokazy pa spravie dajuć śledčym padstavy mierkavać, što zabojstva adbyłosia paśla sumiesnaha spažyvańnia narkatyčnych srodkaŭ.
Na dopycie padazravany paćvierdziŭ, što paśla spažyvańnia nie ŭstanoŭlenaha pakul narkatyčnaha srodku jon i zahinuły stracili kantrol nad saboj, u vyniku čaho ŭźnik kanflikt, jaki zaviaršyŭsia zabojstvam.
Pryznačany nieabchodnyja ekśpiertyzy. Pravodziacca nieadkładnyja śledčyja dziejańni, skiravanyja na ŭstanaŭleńnie ŭsich akaličnaściaŭ učynieńnia asabliva ciažkaha złačynstva.