Rabinovič idzie ŭ prezidenty Ukrainy
Prezident Usieŭkrainskaha jaŭrejskaha kanhresa, pradprymalnik Vadzim Rabinovič padaŭ u CVK dakumienty dla rehistracyi kandydatam u prezidenty.
itar-tass.com
«Ja chaču razburyć mif pra antysiemickuju Ukrainu, jaki tyražujecca va ŭsim śviecie. Siońnia nieabchodna abjadnańnie, a ja abjadnoŭvajučy kandydat. U mianie niama manijakalnaj prahi ŭłady, ja prosta chaču dapamahčy krainie», — skazaŭ jon žurnalistam, dadaŭšy, što źjaŭlajecca, mahčyma, «samym udałym kandydatam u ciapierašni niaprosty čas».
Daterminovyja prezidenckija vybary va Ukrainie pryznačanyja na 25 maja.
Pakul što CVK zarehistravaŭ tolki adnaho kandydata — byłoha namieśnika hienprakurora Renata Kuźmina, jaki raniej kuryravaŭ kryminalnyja spravy eks-premjera Julii Cimašenki.
U centralnuju vybarčuju kamisiju dla rehistracyi taksama padali dakumienty były hubiernatar Charkaŭskaj vobłaści Michaił Dobkin, i adzin ź lidaraŭ kiroŭnaj da niadaŭniaha času Partyi rehijonaŭ Siarhiej Cihipka. Vyłučeńnie kandydataŭ u prezidenty zaviaršajecca 30 sakavika, apošni termin padačy dakumientaŭ — 4 krasavika.
Vadzim Rabinovič źjaŭlajecca prezidentam chołdynhu RC-Group, jamu taksama naležać šerah miedyjaaktyvaŭ.
Z 2007 pa 2013 hady jon byŭ prezidentam futbolnaha kłuba «Arsienał» Kijeŭ. Pradprymalnik aktyŭna padtrymlivaje jaŭrejskija dabračynnyja prajekty i arhanizacyi, u pryvatnaści, jon udzielničaŭ u rekanstrukcyi staroha horada ŭ centry Jerusalima.