Va Ukrainie vyrašyli prypynić tranślacyju čatyroch rasijskich telekanałaŭ
Kijeŭski sud rasparadziŭsia prypynić tranślacyju čatyroch rasijskich telekanałaŭ — Pieršy kanał, RTR, NTV i Rasija 24.
Kijeŭski akruhovy administracyjny sud prypyniŭ dziejnaść rasijskich telekanałaŭ va Ukrainie na čas razhladu pazovu Nacyjanalnaj rady pa pytańniach teleradyjoviaščańnia i ab niezakonnaści ich dziejnaści.
Pra heta raspaviała na bryfinhu ŭ aŭtorak namieśnik sakratara RNBA Viktoryja Siumar.
«Kijeŭskim akruhovym adminsudom vyniesiena rašeńnie, u adpaviednaści ź jakim pavinna być prypynienaja tranślacyja rasijskich telekanałaŭ va Ukrainie na čas razhladu pazovu Nacyjanalnaj rady pa pytańniach telebačańnia i radyjoviaščańnia ŭ kampanii, jakaja źjaŭlajecca asnoŭnym tranślataram hetych kanałaŭ».
«Zaŭtra Nacyjanalnaja rada pa pytańniach telebačańnia i radyjoviaščańnia, što padavała hety pazoŭ, daść tłumačeńni, što heta rašeńnie aznačaje dla kabielnych apierataraŭ», — skazała Siumar.