U Minsku pry zakładcy ŭ tajniki psichatropaŭ zatrymany školnik
Zavodskim (Minska) rajonnym adździełam Śledčaha kamiteta raspačata kryminalnaja sprava ŭ dačynieńni da 17-hadovaha vučnia adnoj sa škoł rajona, zatrymanaha pavodle padazreńnia ŭ raspaŭsiudžvańni psichatropnych rečyvaŭ u bujnym pamiery.
Jak paviedamiŭ aficyjny pradstaŭnik upraŭleńnia SK pa Minsku Alaksandr Hierasimaŭ, zatrymańniu papiaredničali sumiesnyja śledčyja i apieratyŭna-vyšukovyja mierapryjemstvy, praviedzienyja supracoŭnikami padraździaleńnia pa narkakantroli Zavodskaha RUUS i Zavodskaha RASK. Padletka zatrymali z dokazami złačynstva padčas zakładki ŭ tajniki kurylnych sumiesiaŭ, u jakich utrymlivajecca psichatropny kampanient AM(N)-2201. U jaho kanfiskavana 9,9 h raźmierkavanych pa porcyjach «miksaŭ».
U chutkim časie zatrymanamu budzie vystaŭlena abvinavačańnie, vyrašajecca pytańnie ab vybrańni ŭ dačynieńni da jaho miery strymańnia ŭ vyhladzie ŭziaćcia pad vartu.
Za ŭčynieńnie złačynstva, praduhledžanaha č. 3 art. 328 KK, vyznačana pakarańnie ŭ vyhladzie pazbaŭleńnia voli na termin da 13 hadoŭ z kanfiskacyjaj majomaści.
Varta zaznačyć, što, jak zajaviŭ 27 sakavika ŭ razmovie z žurnalistami namieśnik staršyni Viarchoŭnaha suda Biełarusi Valeryj Kalinkovič, ajčynnaje kryminalnaje zakanadaŭstva nie dyfierencyjuje pakarańnie pradaŭcam narkotykaŭ i hetak zvanym minioram, jakija tolki zakładvajuć kuplenyja klijentami praź internet dozy ŭ tajniki. Im taksama pahražaje adkaznaść za zbyt narkotykaŭ.
Pavodle infarmacyi Hierasimava, tolki ŭ Zavodskim rajonnym adździele Śledčaha kamiteta z pačatku hoda zavieršana rasśledavańnie i nakiravana ŭ sud bolš jak 40 kryminalnych spraŭ u śfiery niezakonnaha abarotu narkotykaŭ. Jašče pryblizna 20 kryminalnych spraŭ znachodziacca ŭ vytvorčaści, ź ich piać — u dačynieńni da niepaŭnaletnich. U pieravažnaj bolšaści ŭ materyjałach kryminalnych spraŭ fihurujuć kurylnyja sumiesi z utrymańniem psichatropnych rečyvaŭ.