Z 1 krasavika Polšča budzie vydavać šmatrazovyja turystyčnyja vizy
1 krasavika polskija konsulstvy pačnuć prymać dakumienty na vydaču šmatrazovych turystyčnych viz, paviedamiła Hanna Derska, pres-sakratar Pasolstva Respubliki Polščy ŭ Minsku. Vizy buduć vydavacca terminam dziejańnia na hod na 90 dzion znachodžańnia. Pa vizy mohuć źviartacca jak turystyčnyja firmy, tak i indyvidualnyja turysty.
Rašeńnie ab pačatku vydačy turystyčnych viz u Polšču biełarusam było pryniata ŭ ramkach rekłamy turyzmu ŭ Polščy.
Hanna Derska ŭdakładniaje, što hadavaja turystyčnaja viza budzie vydavacca zajaŭnikam, jakija majuć nie mienš za dźvie šenhienskija vizy na praciahu apošnich troch hadoŭ — adna ź ich polskaja — vydadzienych z turystyčnaj metaj.
Paradak zvarotu ŭ konsulstva nie źmienicca: rehistracyja vizavych ankiet budzie ažyćciaŭlacca na staroncy elektronnaj rehistracyi ankiet, na raniejšych umovach, heta značyć, pa miery źjaŭleńnia svabodnych miescaŭ.