Pryvakzalnuju płošču ŭ Minsku prapanujecca kardynalnym čynam pierarabić
Aryjentavacca na prastorach Pryvakzalnaj płoščy ŭ Minsku pryjezdžym, a časam i samim minčukam, niaprosta.
Usio tamu, što siońnia prylehłaja terytoryja chutčej nahadvaje mudrahielisty łabirynt: la Čyhunačnaha vakzała — vielizarnaja kolkaść piešachodnych pierachodaŭ i kala 10 prypynkaŭ hramadskaha transpartu.
Pa-novamu arhanizavać ruch na płoščy i prylehłych vulicach prapanavała «Biełaruskaja asacyjacyja ekśpiertaŭ i siurviejeraŭ na transparcie».
Juryj Važnik — kiraŭnik arhanizacyi — kaža:
«My rehularna źviartali ŭvahu na toje, što takaja pryhožaja płošča, bryljant, možna skazać, dla Minska, niezasłužana zabytaja z punktu hledžańnia arhanizacyi ruchu hramadskaha transpartu i parkovak.
Zaraz abjadnanyja prypynki hramadskaha transpartu z parkoŭkami. I tyja, i inšyja drenna kiravanyja. Pastajannaje parušeńnie parkoŭki. Ludziam niazručna. Naprykład, dla taho, kab pierasieści z adnaho transparta na inšy, jość taki narmatyŭ — nie bolš za 3,5 chviliny. A tam atrymlivajecca da 15 chvilin. U budučyni ŭsio prypynki hramadskaha transpartu raźmieściacca ŭ adnoj kropcy.
Na skryžavańni vulic Babrujskaj i Leninhradskaj, pobač ź mietro «Płošča Lenina», źjavicca śpiecyjalny terminał.
Jon budzie składacca ź dźviuch pałos i ŭklučyć čatyry prypynačnyja punkty jak dla aŭtobusaŭ, tak i tralejbusaŭ.
Pieršaja pałova transpartu adsiul budzie ruchacca ŭ bok Partyzanskaha praśpiekta, druhaja — u Łošycu.
Schavacca ad niepahadzi minčanie zmohuć ŭnutry jomistych šklanych paviljonaŭ. Asobna prapracavana i sistema piešachodnych pierachodaŭ. Ich stanie značna mienš, adnak dabracca ŭ lubuju kropku na płoščy budzie nieskładana. Asablivuju ŭvahu raspracoŭščyki prajekta nadali sistemie infarmavańnia. Śpiecyjalnyja tabło dapamohuć piešachodam i kiroŭcam aryjentavacca jak na vakzale, tak i na prylehłaj da jaho terytoryi.
Zakranuć źmianieńni i stajanku taksi. Jana stanie mienšaj i kampaktnaj, paviedamili ŭ prahramie «Minsk i minčanie» na STV.
Juryj Važnik zaznačaje: Stajanka taksi stanie vuziejšaj, kab nielha było tam stajać i čakać vyhadnaha pasažyra. U paradku čarhi i klijenty, i taksisty.
Akramia taho, na hetych sistemach płatnaj parkoŭki, hramadskaha transpartu, taksi buduć užytyja technałahičnyja rašeńni ŭ vyhladzie kantrolu znachodžańnia tam i spahnańnia płaty. Zaraz možna budzie nie vyklikać taksi pa telefonie.
Dastatkova prajści na śpiecyjalnuju stajanku, dzie svaje pasłuhi zmohuć prapanavać niekalki staličnych kampanij. Pryvatniki i nielehały pakinuć vakzał.
Asablivuju ŭvahu pry ažyćciaŭleńni prajekta nadaduć i aŭtamabilnaj parkoŭcy. Siońnia ŭsie volnyja miescy la vakzała zahružanyja mašynami supracoŭnikaŭ i naviedvalnikaŭ ofisaŭ, taksi i maršrutkami.
«My praviali vielmi vialikija daśledavańni. Na terytoryi pryvakzalnaj płoščy, na prylehłaj parkujecca kala tysiačy aŭtamabilaŭ. Z hetaj tysiačy kala pałovy — heta doŭhačasovaje zachoŭvańnie.
Naprykład, kali aŭtamabil prastajaŭ 10 hadzin, heta zamianiaje 10 čałaviek, jakija pryjechali na 1 hadzinu.
Akramia taho, budzie jašče rašeńnie nakont taho, što karotkačasovaja parkoŭka — heta značyć vyhruzić rečy, bahaž, adpravić čałavieka na ciahnik. 20 chvilin. Mahčyma, budzie ci lhotnaje, ci, moža, navat biaspłatnaje.
U budučyni płatnaja parkoŭka raźmieścicca na skryžavańni vulic Babrujskaj, Uljanaŭskaj i Kirava.
Juryj Važnik: Płatnaja parkoŭka budzie z vykarystańniem novych dla Minska technałohij — sms. Vy spampoŭvajecie na smartfon prahramu i rucham palca ździajśniajecie apłatu.
Heta zručna. Buduć ustanoŭleny parkamaty — heta tradycyjna. Praŭda, jany buduć inšyja. Jany buduć vielmi padobnyja na terminały apłaty jakija ciapier minčanie vykarystoŭvajuć u bankach, kramach i hetak dalej. Akramia taho, na ŭsialaki vypadak, kali ŭ ciabie niama nijakich navykaŭ abo pryład, jakija elektronnuju apłatu ažyćciaŭlajuć, možna budzie apłacić papiarovaj kartkaj parkoŭki i raźmiaścić jaje pad škłom aŭtamabila. Navacyi zakranuć i sistemy kantrolu apłaty.
«Ciapier nie budzie takoj užo situacyi, kali inśpiektar parkoŭki źbiraje hrošy, kantraluje. Vy razumiejecie, čym heta pahražaje».
Ciapier hetyja funkcyi padzielenyja. Sistema apłaty i hrošy — heta adna śfiera, sistema kantrolu — inšaja śfiera. I dla kantrolu inśpiektar parkoŭki budzie abstalavany płanšetam, kudy jon budzie ŭvodzić numar aŭtamabila. Jamu budzie adkaz: heta parušalnik ci jon pravamocna znachodzicca na hetaj parkoŭcy.
Miescy dla płatnaj parkoŭki płanujecca ŭładkavać uzdoŭž vulic Kirava, Leninhradskaj i Michajłaŭskaha zavułka. Mahčyma, dla hetych metaŭ pieraabstalujuć i dvary. Adzin z varyjantaŭ - pakinuć u žyłych kvartałach abmiežavanuju kolkaść ŭjezdaŭ, jakija buduć rehulavacca šłahbaŭmam.
Adnak, chutčej za ŭsio, na dvarovaj terytoryi budzie dziejničać pryncyp płatnaj parkoŭki, a žycharam vulic, invalidam i śpiecyjalnym słužbam prapanujuć lhotnyja kartki.
Pakul hetaja tema znachodzicca ŭ stadyi abmierkavańnia.
Juryj Važnik: «My vielmi ŭvažliva słuchali žycharoŭ horada. Dy ŭsio ludziej, jakija na heta adreahavali. Možna skazać, što heta praktyčna hramadski prajekt. Heta toje, jak minčanie chacieli b bačyć pryvakzalnuju płošču.
Pieršyja źmieny na Pryvakzalnaj płoščy buduć zaŭvažanyja ŭžo ŭ krasaviku. Da čempijanatu śvietu pa chakiei tut źjavicca płatnaja parkoŭka, pa-novamu arhanizujuć prastoru i ruch pry dapamozie abmiežavalnikaŭ i ŭstalujuć novyja elemienty sistemy prastoravaha aryjentavańnia».
Vynikovy kompleks rabot budzie vykanany na praciahu paŭhoda.