Samaja pryhožaja niamieckaja bijatłanistka Mahdalena Nojnier vyjšła zamuž za cieślara
Dvuchrazovaja alimpijskaja čempijonka vyjšła zamuž za svajho siabra dziacinstva Jozefa Cholcera.
Cyrymonija šlubu prajšła ŭ subotu, u rodnym horadzie byłoj spartsmienki Valhaŭ. Padzieja adbyłasia ŭ vuzkim siamiejnym kole.
«My ščaślivyja. Ja rada, što ŭ nas budzie vialikaja siamja ŭžo ŭ bližejšy čas», — pryvodzić słovy Nojnier Bild. Reč u tym, što Mahdalena znachodzicca na siomym miesiacy ciažarnaści.
«Cyrymonija šlubu była kłasnaja, my chacieli adznačyć hetuju padzieju va ŭračystaj abstanoŭcy, u kole našaj siamji, — adznačyła Nojnier. — Pry hetym ja nie chacieła być u centry ŭvahi. Majo asabistaje žyćcio pavinna zastavacca asabistym. Jozef zrabiŭ mnie prapanovu, kali my byli ŭ adpačynku. Jana była zroblena ŭ ramantyčnaj abstanoŭcy. Ciapier u nas budzie miadovy miesiac».
Zhodna z tradycyjaj, Nojnier ŭziała sabie proźvišča muža. «Chaj fanataŭ nie biantežyć, jany mohuć nazyvać mianie pa-raniejšamu Lenaj Nojnier», — padkreśliła, zrešty, niemka.
Nojnier stała sustrakacca z Cholceram u 2009 hodzie, ale znajomyja jany byli ŭžo daŭno — heta siabar dziacinstva lehiendarnaj bijatłanistki. Jany vučylisia ŭ škole, byli ŭ adnym kłasie.
Jašče zimoj Nojnier nie kazała ničoha peŭnaha nakont dalejšaha raźvićcia adnosinaŭ z Cholceram.
«Spytajecie lepš majho siabra. Jon jašče nie rabiŭ mnie prapanovy», — kazała tady Nojnier — bijatłanistka, jakuju ličać adnoj z samych pryhožych spartsmienak śvietu.
Cholcer — zvyčajny chłopiec, pracuje cieślem.