Žychar vioski ŭ Bresckaj vobłaści na adnym drevie prymacavaŭ amal 20 špakoŭniaŭ
Žychar vioski Papialova ŭ Bresckaj vobłaści na adnym drevie prymacavaŭ amal dva dziesiatki špakoŭniaŭ. Pryčym architekturnaje rašeńnie kožnaha ptušynaha doma ŭnikalnaje: dla amataraŭ adasoblenaha žyćcia — adnamiesnyja domiki, dla vialikich siemjaŭ — šmatpakajovyja «katedžy».
Traplajucca i zusim unikalnyja budynki, naprykład, u vyhladzie čałavieka, jaki hraje na hitary. Jość tut i adzinaja na ŭsiu viosku kantora ŽKH. U jakaści budmateryjałaŭ u chod iduć staryja masłabojki, tyja, što zastalisia «nie pry spravach» doški i navat televizar, jaki adsłužyŭ svoj viek.
Stałyja «apartamienty» pieralotnym ptuškam viaskovy majstar prapanavaŭ bolš za 10 hadoŭ tamu. Kaža, pasialiŭ u siabie na ŭčastku špakoŭ vyklučna z-za lubovi da ich pieŭčaha talentu. U płanach — zbudavać špakoŭniu ŭ vyhladzie samalota.
Alaksandr Ščurko kaža: «2 × 10 zrablu. Dźvie doški pa bakach nabju, unizie paŭkruham, dzirak panarablu, pamiž imi pieraharodki. Kolki chočaš špakoŭniaŭ, choć 20, choć 10, choć 5».