Žychar Baranavičaŭ prademanstravaŭ aholeny azadak u biljardnym kłubie
Za heta jaho mohuć adpravić za kraty.
Jak paviedamlaje pres-słužba milicyi Bresckaj vobłaści, kurjozny vypadak adbyŭsia jašče unačy 15 sakavika ŭ baranavickim biljardnym kłubie. Tam, ź nieviadomaj pryčyny, 21-hadovy rabočy demanstratyŭna ahaliŭ azadak pierad naviedvalnikami. Jak paźniej vyśvietliłasia, mužčyna byŭ napadpitku.
31 sakavika Śledčy kamitet raspačaŭ kryminalnuju spravu ŭ dačynieńni da chulihana. Za svoj niepryhožy ŭčynak jaho moža čakać štraf, hramadskija pracy albo navat da dvuch hadoŭ pazbaŭleńnia voli.