U Rasii źjaviłasia kampjutarnaja prahrama dla vyznačeńnia «nacyjanał-zdradnikaŭ»
Prakramloŭski sajt palityčnych navinaŭ politonline.ru zrabiŭ kamputarnuju prahramu analizu kantentu medyjaŭ, jakaja dazvalaje vyznačyć stupień ich nielajalnaści aficyjnaj palitycy Kramla.
Alharytm zaprahramavany na słovy «aneksija», «anšlus», «zialonyja čałaviečki» i inšyja słoŭnyja formy, jakija charaktaryzujuć admoŭnaje staŭleńnie da palityki Rasiei adnosna Ŭkrainy.
Na padstavie analizu politonline.ru vyznačyŭ 20 samych «antyrasiejskich» ŚMI Rasiei.
- Echo Moskvy
- Dožd́ TV
- Novaja hazieta
- The New Times
- Newsru.com
- Radio Svoboda
- RIA «Novyj Riehion»
- Slon.ru
- RBK i RBK daily
- Viedomosti
- Snob
- Rosbałt
- Grani.ru
- Ježiednievnyj žurnał
- Lenta.ru
- Kommiersant
- Russkij žurnał
- Russkij Forbes
- Znack.com
- Moskovskije novosti
Pieraličanyja vydańni, u dadatak da krytyčnaha tonu, paraŭnoŭvali dziejańni Rasiei i dziejańni nacysckaj Niamieččyny, vykarystoŭvali słova «ahresija» dla apisańnia pavodzinaŭ Rasiei va Ŭkrainie, zaklikali da mižnarodnaj izalacyi Rasiei i ŭžyvańnia sankcyjaŭ da jaje, stanoŭča vykazvalisia adnosna Eŭramajdanu.
Nia vyklučana, što hety śpis «varožych» medyjaŭ moža stać «rasstrelnym» śpisam.
Alaksandar Duhin, upłyvovy kanservatyŭny palityk i hramadzki dziajač, apublikavaŭ u siabie ŭ Fejsbuku śpis hetych 20 medyjaŭ z kamentarom: «Paradak zakryćcia samych ahidnym ŚMI Rasiei ci blakavańnia dostupu da ich (u vypadku znachodžańnia za miežami Rasiei)».
Varta skazać, što cisk na paznačanyja ŚMI ŭžo pačaŭsia. Telekanał «Doždž» na minułym tydni pačaŭ zbor srodkaŭ dla svajho vyžyvańnia paśla taho, jak kabelnyja aperatary razarvali kantrakt z telekanałam paśla praviedzienaha «Daždžom» apytańnia nakont hipatetyčnaj zdačy Leninhrada ŭ časy Druhoj Suśvietnaj vajny.
Sajtu navinaŭ Lenta.ru, jaki ličyŭsia adnym z samych abjektyŭnych i prafesijnych infarmacyjnych resursaŭ u Rasiei, byŭ naniesieny masiravany ŭdar u siaredzinie sakavika, kali byli zvolnienyja jaho daŭni redaktar i niekalki vysokapastaŭlenych supracoŭnikaŭ za publikacyju interviju z pradstaŭnikom ukrainskaj radykalnaj arhanizacyi «Pravy sektar».
Hazeta «Viedomosti» zaznała cisk paśla publikacyi artykułu viadomaha navukoŭca Andreja Zubava, jaki paraŭnaŭ dziejańni Pucina ŭ Krymie z anšlusam Aŭstryi Hitleram. U dziaržaŭnym ahienctvie navinaŭ RIA-Novosti raniejšy kiraŭnik byŭ zamienieny kramloŭskim prapahandystam Dźmitryjem Kisialovym.