Rasija jašče bolš pavysiła canu na haz dla Ukrainy — da $485
Rasijski premjer Dźmitryj Miadźviedzieŭ abviaściŭ pra admienu nulavoj vyvaznoj mytnaj pošliny na haz dla Ukrainy.
«Padpisańnie pastanovy ab admienie prymianieńnia lhot pa mytnaj pošlinie pry pastaŭkach hazu na Ukrainu dla nas značyć, što aŭtamatyčna, stroha ŭ adpaviednaści ź dziejučym kantraktam na pastaŭku hazu na Ukrainu ad 2009 hoda, cana na haz pavyšajecca, i z krasavika jana składzie $485 za 1 tys. kub.m», — pryvodzić słovy kiraŭnika «Hapzproma» Alaksieja Milera na sustrečy ź Miadźviedzievym ahienctva Interfaks.
Rasijski Saviet Fiederacyi ŭ aŭtorak denansavaŭ charkaŭskija pahadnieńni z Kijevam, pa jakim toj atrymlivaŭ źnižki na rasijski haz u abmien na praciah terminu znachodžańnia Čarnamorskaha fłotu Rasii ŭ Sievastopali.