U Aŭstralii aficyjna źjaviŭsia niavyznačany poł
Vysoki sud Aŭstralii pryznaŭ najaŭnaść treciaha połu ŭ ludziej i pastanaviŭ, što hramadzianie mohuć vyznačać svoj poł ŭ dakumientach nie tolki jak mužčynski abo žanočy, ale i jak niavyznačany, paviedamlajuć infarmahienctvy.
Padstavaj dla vyniasieńnia takoha rašeńnia stała šmathadovaja ciažba žychara Sidneja pa imieniNory z haradskim biuro rehistracyi hramadzianskaha stanu. Nory naradziŭsia mužčynam, ale ŭ 1989 hodzie zrabiŭ sabie apieracyju pa źmienie połu i vyrašyŭ žyć «ni jak mužčyna, ni jak žančyna». Adnak zhodna z praviłami, jakija isnavali dahetul, u aficyjnych dakumientach abaviazkova pavinna ŭtrymlivacca adznaka ŭ hrafie «poł: mužčynski, žanočy». Tamu ŭ aficyjnych papierach Nory pa-raniejšamu nazyvali to mužčynam, to žančynaj.
Ciapier uładam pryjdziecca dadać u dakumienty novy varyjant - «poł niavyznačany».
«Ja ŭ ejfaryi!», — zajaviła Nory žurnalistam u suviazi z rašeńniem suda.
Uličvajučy, što Vysoki sud źjaŭlajecca vyšejšaj sudovaj instancyjaj u Aŭstralii, jaho rašeńnie pastaviła apošniuju kropku ŭ sprečcy z nahody isnavańnia treciaha połu ŭ čałavieka.
Aŭstralija nie pieršaja kraina ŭ śviecie, dzie na aficyjnym uzroŭni pryznali isnavańnie treciaha połu. Hiermanija i Niepał dazvalajuć svaim hramadzianam stavić pročyrk ŭ hrafie poła.