Hubiernatar Smalenskaj vobłaści prapanuje addać biełarusam častku terytoryi
Fota Radyjo Svaboda
Prapanova tyčycca siami pamiežnych rajonaŭ, dzie sialanie nia ŭ stanie abrablać ziamlu ŭłasnymi siłami.
Pra hatoŭnaść pieradać rasiejskuju ziamlu Biełarusi piša smalenskaja hazeta «Rabočij puť». U artykule «Ziamlu — biełarusam», u pryvatnaści, havorycca, što hubernatar Alaksiej Arstroŭski vystupiŭ z prapanovaj pieradać biełaruskamu boku ziemli ŭ Kraśninskim, Vialiskim, Manastyrščynskim, Chisłavickim, Jeršyckim, Šumiackim i Rudnianskim rajonach.
Hetyja rasiejskija rehijony miažujuć z Mahiloŭščynaj i Viciebščynaj.
U jakoj formie maje adbycca «pieradača», nie ŭdakładniajecca. Adzinaja ŭmova hubernatara Smalenščyny — kab sielskahaspadarčyja pradpryjemstvy, utvoranyja ŭ hetych rajonach, byli rasiejskija, i prybytki išli ŭ biudžet Smalenskaj vobłaści.