Zajaŭku na praviadzieńnie «Čarnobylskaha šlachu» płanujuć padać 10 krasavika
Zajaŭku na praviadzieńnie tradycyjnaha «Čarnobylskaha šlachu» płanujecca padać u Minharvykankam 10 krasavika, paviedamiŭ BiełaPAN staršynia Partyi BNF Alaksiej Janukievič.
7 krasavika adbudziecca pieršaje pasiadžeńnie arhkamiteta «Čarnobylskaha šlachu», na jakim pavinien być vyznačany farmat akcyi, u tym liku maršrut šeścia. Pavodle słoŭ Janukieviča, u pasiadžeńni arhkamiteta płanujecca ŭdzieł pradstaŭnikoŭ Partyi BNF, Ekałahičnaha kamiteta imia prafiesara Ivana Nikitčanki, arhkamiteta pa stvareńni partyi «Biełaruskaja chryścijanskaja demakratyja», Ab`iadnanaj hramadzianskaj partyi, ruchu «Za Svabodu», Biełaruskaj sacyjał-demakratyčnaj partyi (Hramada) i inšych arhanizacyj.
«Čarnobylski šlach» — vuličnaja akcyja, jakuju biełaruskaja apazicyja pravodzić štohod z 1988 hoda ŭ Minsku ŭ farmacie šeścia, jakoje zaviaršajecca mitynham pradstaŭnikoŭ demakratyčnych sił. Vyklučeńnie skłaŭ 2011 hod, kali staličnyja ŭłady ŭpieršyniu zabaranili šeście, daŭšy dazvoł tolki na praviadzieńnie mitynhu.