Žančyny, jakija pozna kładucca spać, kachajucca čaściej, ale radziej zavodziać doŭhija stasunki
Novaje daśledavańnie, praviedzienaje Darya Maestrepijery z univiersiteta Čykaha ŭ ZŠA pakazała isnavańnie ŭzajemasuviazi pamiž režymam sna čałavieka i jaho seksualnym žyćciom.
U daśledavańni pryniali ŭdzieł 348 mužčyn i 153 žančyny-mahistranki Univiersiteta Čykaha.
Padčas daśledvańnia vyjaviłasia, što mužčyny śpiać mieniej za žančyn prykładna na hadzinu ŭ sutki. Savinaha hrafiku prytrymlivajecca bolšaść mužčyn: siarod mužčyn sovaŭ ŭdvaja bolš za žaŭrankaŭ, a ŭ žančyn — u paŭtara raza.
Vyniki daśledavańnia pakazvajuć, što žančyny i mužčyny-sovy, jakija kładucca spać pozna, zvyčajna majuć bolšuju kolkaść seksualnych partnioraŭ, čym ludzi-žaŭranki. Razam z hetym, sovy radziej zavodziać doŭhaterminovyja stasunki i prytrymlivajucca chałastoha ładu žyćcia.
Daśledčyk taksama praanalizavaŭ uzrovień testasteronu i kartyzołu — harmonu, što dapamahaje arhanizmu pazbaŭlacca ad stresu. Najmieńšy ŭzrovień kartyzołu byŭ zafiksavany ŭ žančyn-žaŭrankaŭ. U astatnich troch hrupach pakazčyki ŭtrymańnia kartyzołu adroźnivalisia słaba, tamu Maestrepijery dapuskaje, što žančyny-sovy bolš prystasavanyja da stresavych situacyj i čaściej ryzykujuć.