Pravaabaroncaŭ aštrafavali za fota z ukrainskim ściaham
Haradzienskich pravaabaroncaŭ Viktara Sazonava, Uładzimiera Chilmanoviča i Ramana Jurhiela aštrafavali kožnaha na 25 bazavych vieličyniaŭ (3 miljony 750 tysiač rubloŭ).
Fatahrafavańnie ź biełaruskim i ukrainskim ściahami haradzienskaja milicyja pryraŭniała da niesankcyjanavanaj masavaj akcyi.
Haradzienskija pravaabaroncy Viktar Sazonaŭ, Uładzimier Chilmanovič i Raman Jurhiel 25 sakavika sfatahrafavalisia ź biełaruskaj i ŭkrainskaj symbolikaj u niekalkich histaryčnych miaścinach Horadni i źmiaścili hetyja zdymki ŭ internecie. Takim čynam ušanavali Dzień Voli i vykazali salidarnaść z ukrainskim narodam.
Ich zatrymali i na kožnaha skłali pratakoły za praviadzieńnie niesankcyjanavanaj akcyi.