U Minsku adkrylisia adrazu try novyja hateli, zbudavanyja da ČS pa chakiei
Košty ŭ ich — ad $33 da $800 za numar
Adrazu 3 hateli adkrylisia ŭ Minsku 3 krasavika. Usie jany pabudavanyja dla pryjoma haściej Čempijanata śvietu pa chakiei.
Haściničny kompleks «Viktoryja-2» najdaražejšy. Jon raźmieščany na praśpiekcie Pieramožcaŭ u niepasrednaj blizkaści ad Pałaca Niezaležnaści, płoščy Dziaržaŭnaha ściaha, vystavačnaha kompleksu «Biełekspa», steły «Minsk — horad-hieroj» i muzieja Vialikaj Ajčynnaj vajny.
Jak paviedamiŭ dyrektar biźnies-centra «Stalica» Barys Krycki, padčas čempijanatu śvietu pa chakiei ŭ haścinicy spyniacca kamandy z 7 krain.
«Z 15 krasavika my budziem rychtavać haścinicu dla zasialeńnia spartyŭnych kamand. Hatel funkcyjanalna hatovy zabiaśpiečyć patreby ŭsich haściej Minska», — padkreśliŭ Barys Krycki.
Jon moža pryniać adnačasova amal 450 pastajalcaŭ. Košt numaroŭ ad $ 187 u sutki, košt pražyvańnia ŭ apartamientach dasiahaje $800. Pry zamovie numara anłajn dziejničaje źnižka 10%. U rasparadžeńni haściej 256 haściničnych numaroŭ, siarod jakich 63 adnamiesnych, 181 dvuchmiesny, 8 luksaŭ, 3 numary dla ludziej z abmiežavanymi mahčymaściami, a taksama adny apartamienty. . Va ŭsich numarach jość kandycyjaniery, mini-siejfy i mini-bary, haradskaja i mižnarodnaja telefonnaja suviaź, vysakachutkasny dostup u Internet, interaktyŭnaje telebačańnie, firmovyja paścielnyja i łaźnievyja prynaležnaści.
Siońnia taksama adkrylisia hateli «Arena « na skryžavańni vulic Haładzieda i Taškienckaj i IT Time pa vulicy Kupreviča.
Padčas ČS u trochzorkavym hateli «Arena» budzie pražyvać techničny piersanał telebačańnia, jaki padčas spartyŭnaha pieršynstva budzie pracavać u «Čyžoŭka- Arenie». Hatel zmoža pryniać adnačasova 207 čałaviek u 107 numarach. Košt pražyvańnia ŭ hateli — ad $ 80 u sutki. Haściam prapanujucca adnamiesnyja abo dvuchmiesnyja numary, numary katehoryi luks i apartamienty. Praduhledžana mahčymaść zasialeńnia ludziej z abmiežavanymi mahčymaściami. Pastajalcy zmohuć pierakusić u restaranie abo łobi-bary, da ich pasłuh kanfierenc-zała, fitnies-centr z trenažornym załam i saunaj, sałon pryhažości. Kala hatela jość parkoŭka, jakaja raźličana na 55 aŭtamabilaŭ.
Haścinica IT Time źjaŭlajecca adnoj z čatyroch haścinic ekanomkłasa ŭ industryjalnym vykanańni. Haścinicy East Time, Sport Time, Hold Time i IT Time abjadnany adnym brendam, ale kožnaja ź ich maje ŭłasny styl. U 133 numarach haścinicy IT Time zmohuć raźmiaścicca 265 haściej. Adnamiesny numar abyjdziecca ŭ Br330 tys., dvumiesny — u Br670 tys., trochmiesnyj — u Br810 tys. Košt pražyvańnia ŭ numary katehoryi luks — Br760 tys. Haścinica abstalavanaja ŭsim nieabchodnym dla pryjomu ludziej z abmiežavanymi mahčymaściami.