Leanid Ahucin pryjedzie ŭ Baku biez Anžaliki Varum: śpiavačka trapiła ŭ avaryju
Na kancercie ŭ Baku, u jakim pavinny byli vystupać Leanid Ahucin i Anžalika Varum, prymie ŭdzieł tolki Ahucin, paviedamili arhanizatary kancertnaj prahramy, kampanija Sweet production.
«Učora z nami źviazałasia administracyja Anžaliki Varum i paviedamiła, što pa stanie zdaroŭja papularnaja rasijskaja śpiavačka pryniać udzieł u kancercie nie zmoža. My prynosim svaje prabačeńni za situacyju, jakaja skłałasia. Nahadajem, što kancert adbudziecca 4 krasavika ŭ Pałacy Hiejdara Alijeva», — havorycca ŭ paviedamleńni.
U svaju čarhu, sam Leanid Ahucin na svajoj staroncy ŭ sacyjalnaj sietcy napisaŭ: «Tak atrymałasia, što ŭ hetym hodzie naš Sibirski tur adznačyŭsia aŭtamabilnaj avaryjaj, u jakuju my trapili. Vielmi niepryjemnaje łabavoje sutyknieńnie ranicaj u Prakopjeŭsku parušyła naš mierny hrafik hastrolaŭ. Bolš za ŭsich paciarpieła Anžalika. Jana davoli chutka idzie na papraŭku i chutka, vielmi chutka ŭsio budzie dobra. My ŭsie vielmi ŭdziačnyja VAM, našy hledačy, za toje, što nabyli kvitki i za toje, što nie zdali hetyja kvitki…».