SBU zatrymała rasijskuju špijonku, jakaja arhanizoŭvała dyviersantaŭ
SBU zatrymała hramadzianku Rasii, jakaja vykonvała zadańnie śpiecsłužbaŭ dla destabilizacyi situacyi ŭ paŭdniovych abłaściach Ukrainy. Pra heta paviedamlaje pres-słužba viedamstva.
Maryja Kalada, 1991 h.n., prybyła ŭ Chierson 4 krasavika 2014 hoda. Pavodle jaje słoŭ, heta ŭžo dziaviataje jaje padarožža va Ukrainu.
«Na praciahu 5-6 krasavika inšaziemka praviała šerah sustreč ź liderami i aktyvistami prarasijskich ruchaŭ u h. Chierson, a taksama naviedała asobnyja rajonnyja centry vobłaści dla manitorynhu situacyi na miescach», — havorycca ŭ paviedamleńni SBU.
7 krasavika jana prymała niepasredny ŭdzieł u sutyknieńniach pad Mikałajeŭskaj ADA, «padčas jakich ŭžyvała ahniastrelnuju zbroju, u vyniku čaho, pa jaje słovach, paraniła troch čałaviek».
Apieratyŭnikami ŭstanoŭlena, što 8 krasavika Kalada dała spravazdaču svajmu kurataru ŭ RF ab najaŭnaści ŭ «aktyvistaŭ» samarobnych vybuchovych pryład u «nieabmiežavanaj kolkaści» i dasiahnutaj damoŭlenaści adnosna atrymańnia imi strałkovaj zbroi.
«Jana taksama dałažyła ab padrychtoŭcy dvuch dyviersijnych hrup (7 čałaviek z Chiersona i 6 z Novaj Kachoŭki) dla nakiravańnia ŭ Danieck dla ŭdziełu ŭ masavych biesparadkach», — paviedamili ŭ SBU.
Taksama dyviersantka mieła «vyśvietlić stan ŭzbrajeńnia supracoŭnikaŭ HNSU na miažy ARK z macierykovaj častkaj Ukrainy i mahčymaść patrapleńnia z Kryma, lehalna abo ŭ abychod ustanoŭlenych punktaŭ propusku, asob, jakim SBU zabaraniła ŭjezd va Ukrainu».
Padčas zatrymańnia ŭ rasijanki kanfiskavali traŭmatyčny pistalet, pieraabstalavany pad stralbu bajavymi patronami i mietadyčnyja rekamiendacyi dla padrychtoŭki dyviersijnych hrup.
Jak paviedamlaje «Priestupnosti.niet», Kalada źjaŭlajecca aktyvistkaj.
Jana ŭ sacsietkach siabruje z kiraŭnikom mikałajeŭskaj arhanizacyi partyi «Ruski błok» Jaŭhienam Bandarenkam i z deputatam Mikałajeŭskaha harsavieta ad Partyi rehijonaŭ Taćcianaj Čyściakovaj.